International News » कुवेत पुगेर मृत्यु भएका दुई नेपाली महिलाको शव अलपत्र

---

साउन २४ घरेलु कामका लागि कुवेत पुगेर मृत्यु भएका दुई नेपाली महिलाको शव अलपत्र परेको छ ।



कुवेतस्थित नेपाली दूतावासका अनुसार दुवाचौर ३, सिन्धुपाल्चोककी २९ वर्षीया फूलमाया तामाङ र ठेगाना पत्ता नलागेकी सुमित्रा उराउको शव अलपत्र परेको हो । तामाङको गत मे २८ र उराउको अप्रिलमा २८ मा मृत्यु भएको हो ।

दुवैको मृत्युको विषयमा दूतावासलाई थप जानकारी छैन ।

उराउको फिंगर प्रिन्टबाट राहदानी नम्बर पत्ता लागेको हो । उनी २२ जुलाई २०१२ मा कुवेतमा आएको रेकर्ड छ । फूलमायाको राहदानीमा निकटतम व्यक्ति सन्तमान तामाङ भनिएको छ । दुवै जना गैरकानुनी बाटो हुँदै कुवेतमा आएका रहेछन्, कुवेतका लागि नेपाली राजदूत मधुवन पौडेलले कान्तिपुरलाई भने, लामो समयसम्म शवको दाबी गर्न कोही नआएपछि शव गृहले हामीलाई पत्र पठाएपछि जानकारी पाएका हौं ।