Crime » बहिनीको हत्या गरेर दाजु फरार ..

---

नुवाकोट, ३० जेठ । नुवाकोटको सामरी गाविसको वडा नम्बर ५ गोर गाउँमा दाजुले बहिनीको हत्या गरेका छन् । वीरबहादुर तामाङले बहिनी १५ बर्षिया सन्तुमाया तामाङको हत्या गरेको जिल्ला प्रहरी कार्यालय नुवाकोटले जनाएको छ ।

  खाना खाएर सुतेका दाजुबहिनी सम्पर्कविहीन भएको र खोजी गर्दा घरदेखि पर हत्या गरिएको अवस्थामा शव फेला परेको प्रहरीले जनाएको छ ।

 दोलखा जिल्लामा ज्याला मजदुरी काम गर्दै आएका दाजु बीरहादुर तामाङ केही दिन अगाडि मात्र घर आएको परिवारले बताएका छन् । घटनापछि दाजु बिरबहादुर फरार रहेकाले हत्या दाजुले नै गरेको प्रहरीको पुर्वानुमान रहेको छ ।