Entertainment, Hollywood » बिहे नगर्दै गर्भ बोकेकी किमले आफ्नो पेटमा छोरी भएको खुलासा गरिन्

---

बिहे नगर्दै बच्चा पाउन लागेकी अमेरिकी टेलिभिजन स्टार तथा मोडेल किम कार्दाशिनले आफ्नो पेटमा छोरी हुर्किरहेको खुलासा गरेकी छिन् । ब्वायफ्रेण्ड केन वेस्टको गर्भ बोकेकी किमले आफ्नो पेटमा रहेको बच्चा छोरी भएको खुलासा गरेकी हुन् ।



चर्चित रियालिटी शो किपिङ अप विथ कार्दाशिनको शनिवार रातिको संस्करणमा किमले यस्तो खुलासा गरिन् ।

आफुले छोरी पाउने कुराको खुलासा गर्दै उनले भनिन्, ‘छोरी कसलाई मन पर्दैन र ?’ । आफ्नो ब्वायफ्रेण्ड वेष्टले पनि छोरी पाउने खबरले खुसी भएको उनको भनाइ छ । कार्दाशिनले आफ्नी आउनेवाला छोरीका लागि सेतो रंगका कपडा समेत किनिसकेकी छिन् । कार्दाशिनको गर्भे पेट बढ्दै गएको स्पष्ट देख्न सकिन्छ । तर उनको डेलीभरी डेट कहिले हो भनेर केही खुलाइएको छैन । यस बारेमा किमले पनि केही बोलेकी छैनन् यद्यपि यहीँ गि्रष्मयाममा उनले बच्चा पाउनेछिन् ।