National News, Sports » म्यानचेष्टर युनाइटेड वेष्टह्यामसँग बराबरीमा रोकियो

---

५ वैशाख, काठमाडौं । इङ्ग्लिस प्रिमियर लिग फुटबलमा लिग लिडर म्यानचेष्टर युनाइटेडले वेष्टह्यामसँग बराबरी खेलेको छ । बुधबार रााति भएको खेलमा युनाइटेडले २–२ को बराबरी खेलेको हो । बराबरीपछि म्यानचेष्टर युनाइटेडको ३२ खेलबाट ८१ अंक भएको छ । लिगमा ६ खेल खेल्न बाँकी छँदा म्यानचेष्टर युनाइटेडलाई उपाधि जित्न अब ६ अंक मात्र चाहिएको छ ।



घरेलु मैदानमा भएको खेलमा वेष्टह्यामले १६ औं मिनेटमा रिकार्डो वाज टेको गोलबाट अग्रता लिएको थियो । ३१ औं मिनेटमा युनाइटेडका भ्यालेन्सियाले बराबरी गोल फर्काए । ५५ मिनेटमा महम्मद डिआमाले फेरि अग्रता दिलाएपनि बेष्टह्यामले जोगाउन सकेन । ७७ औं मिनेटमा म्यानचेष्टर युनाइटेडका रोविन भानपर्सीले बरबरी गोल फर्काए ।

दोस्रो स्थानमा रहेको म्यानचेष्टर सिटीले विगानलाई १–० ले पराजित गरेको छ । घरेलु मैदानमा भएको खेलमा उसका लागि ८३ औं मिनेटमा कार्लोस टेभेजले निर्णायक गोल गरे । जितसँगै ६८ अंक बनाएको उसले लिग लिडर म्यानचेष्टर युनाइटेडको अग्रता १३ मा झारेको छ ।

फुलहमलाई ३–० ले पराजित गरेको चेल्सी भने ६१ ऋंकका साथ तेस्रो स्थानमा उक्लिएको छ । चेल्सीको जितमा जोन टेरीले २ तथा डेभिड लुइसले १ गोल गरे ।