आजको राशिफल » आजको पञ्चाङ्ग र राशीफल विक्रमसंवत् २०७० साल ज्येष्ठ २८ गते मंगलबार, →आज को राशिफल हेर्नुहोस

---

आजको सूर्योदय – ५:०२:१४ बजे र सूर्यास्त – ६:४८:३९ बजे, आज चन्द्रोदय,
ज्येष्ठ शुक्लपक्ष (तछलाथ्व), द्वितीया तिथि, मध्यरात्रीपूर्व ११ बजेर ५६ मिनेटसम्म, त्यसपछि तृतीया तिथि, चन्द्रमा मिथुन राशीमा,

आद्र्रा नक्षत्र मध्यरात्रीपछि १२ बजेर ३१ मिनेटसम्म, त्यसपछि पुनर्वसु नक्षत्र,
गण्ड योग साँझ ८ बजेर ०४ मिनेटसम्म, त्यसपछि बृद्धि योग,
कौलव करण मध्यरात्रीपूर्व ११ बजेर ५६ मिनेटसम्म त्यसपछि तैतिल करण,
राहुकाल बिहान ६ बजेर ४६ मिनेटदेखि ८ बजेर २९ मिनेटसम्म,
काल बारबेला बिहान ६ बजेर ४६ मिनेटदेखि ८ बजेर २९ मिनेटसम्म,
रोग बारबेला बिहान १० बजेर १२ मिनेटदेखि दिउँसो ११ बजेर ५५ मिनेटसम्म ।



मेष (चु, चे, चो, ला, लि, लु, ले, लो, अ) –

समय राम्रै छ । साथीभाइसित भेटघाट हुने योग छ । अपूरा कार्य पूर्ण हुने सम्भावना बलियो छ । धार्मिक तथा आध्यात्मिक क्षेत्रतर्फको काममा सहभागी बन्नु पर्ला । पढाइ लेखाइतिर ध्यान दिनु आवश्यक छ । धार्मिक वा सामाजिक सेवाका काममा प्रशंसित हुने अवसर प्राप्त हुनेछ ।

बृष (इ, उ, ए, ओ, बा, बि, बु, बे, बो) –

सामाजिक कामको दायित्व थपिने छ । वित्तीय क्षेत्र र व्यापारिक लगानीका लागि नयाँ काम गर्न उचित समयको योग छ । व्यापार व्यवसाय त्यसमा पनि हार्डवेयरका विक्रेताका लागि विशेष लाभदायक छ । भाइबहिनी वा सन्ततिका तर्फबाट खुशीको खबर प्राप्त हुने छ ।

मिथुन (का, कि, कु, घ, ङ, छ, के, को, ह) –

समय राम्रो छ । अन्न फलफूल आदि कृषिजन्य व्यवसायबाट राम्रो आर्थिक उपार्जन हुने योग छ । नोकरीबाट सन्तोष लिन सकिनेछ । उपहार पुरस्कार आदि मिल्नेछ । नयाँ काम गर्ने सोच बनाउनु भएको छ भने आज त्यसका लागि अनुकूल समय आएको छ ।

कर्कट (हि, हु, हे, हो, डा, डि, डु, डे, डो) –

आज अकारण वादविवादमा फस्ने, सरकारी झमेलामा फस्ने र प्रतिफल प्राप्त नहुने क्षेत्रमा लगानी हुने दिन हो । व्यापारीहरुले हानी व्यहोर्नु पर्छ र कर्मचारीले अपजस व्यहोर्नु पर्छ । छात्रछात्राले भने रमाइलो गर्नेछन् । यात्रा घातक बन्न सक्छ, धेरै टाढा नजानु होला ।

सिंह (मा, मि, मु, मे, मो, टा, टि, टु, टे) –

असल समय छ । विशिष्ट व्यक्तिको सहयोग र सल्लाहले महत्वपूर्ण कार्य सम्पन्न हुनेछ । मानप्रतिष्ठा र सामाजिक मर्यादामा अभिवृद्धि हुनेछ । व्यवहारिक समस्याले पिरोल्न सक्छ । विवाह तथा पारिवारिक जीवनमा भने रमाइलो आउने छ । आम्दानीमा कमी आउने छैन ।

कन्या (टो, प, पि, पु, ष, ण, ठ, पे, पो) –

आर्थिक क्षेत्र सबल रहने छ भने स्वास्थ्य पनि राम्रो रहने छ । कार्य सफल हुँदै जानेछ । रमाइलो यात्रा हुन सक्छ । भौतिक साधनको जोहो हुनाका साथै मनोरंजनात्मक क्रियाकलापमा सक्रिय हुने अवसर जुट्ने छ । जीवनसाथीको भरपुर सहयोग प्राप्त हुनेछ ।

तुला (र, रि, रु, रे, रो, ता, ति, तु, ते) –

आज सामाजिक वा सरकारी झमेलामा फँस्ने डर छ । पुख्र्यौली सम्पत्तिको लेखाजोखा मूल्याङ्कन गर्नु पर्दा मन खिन्न हुन सक्छ । आज कुनै याचकलाई खाना खुवाउँदा शत्रुमाथि विजय प्राप्त हुने दिन हो । सामाजिक कामबाट प्रशंसा प्राप्त हुनेछ । आज यात्राको समय छ ।

बृश्चिक (तो, ना, नि, नु, ने, नो, या, यि, यु) –

खराब समय छ । स्वास्थ्यमा अचानक गडबडी आउने सम्भावना देखिन्छ । सानोतिनो चोटपटक नै लाग्न सक्छ, सचेत एवं सावधान रहनु होला । तपार्इंको व्यक्तिगत दृष्टिकोण उल्टो हुने देखिन्छ, आज कुनै पनि नयाँ काम नथाल्नु होला व्यवहारिक हानी हुनेछ होस राख्नोस् ।

धनु (ये, यो, भ, भि, भु, ध, फा, ढ, भे) –

लामो समयपछि रसरङ्गको चाहना पूर्ण हुने योग आएको छ । दाम्पत्य सम्बन्धमा सुमधुरताको प्राप्ति हुनेछ । बालबच्चाबाट पनि सुखसन्तोष प्राप्त हुनेछ । कतै छोटो दुरीको यात्रा पनि हुन सक्छ । मेवामिष्ठान्न आदि खान पाइने र मनोरञ्जनमा रमाउन पाउनु हुनेछ ।

मकर (भो, ज, जि, खि, खु, खे, खो, गा, गि) –

काममा बाधाअडचन उत्पन्न हुनुका साथै भनेजस्तो सफलता नमिल्न सक्छ । आफन्त वा मित्रले काममा धोका दिने सम्भावना छ । आकस्मिक स्वास्थ्य समस्या देखा पर्नसक्ने भएकाले सजग रहनु होला । पारिवारिक सुख मिल्नुका साथै जीवनसँगीबाट सहयोग प्राप्त हुनेछ ।

कुम्भ (गु, गे, गो, सा, सि, सु, से, सो, द) –

राम्रो समयको योग छ । अध्ययन, अध्यापन र लेखनकार्यमा उच्च सफलता प्राप्त हुने छ । प्राविधिक काममा विशेष सफलता प्राप्त हुने छ । आम्दानी सामान्य भइरहला । आज आफ्ना भनाउँदासँग झगडा वा मनमुटाव होला । अरुले भन्दा बढी लगानी गर्नुपर्नेछ ।

मीन (दि, दु, थ, झ, ञ, दे, दो, च, चि) –

अति प्रतिकूल समय छ । विश्वास गरेका व्यक्तिबाट नै विश्वासघात हुने सम्भावना छ । जस कसैलाई मन पेट खोलेर नदिनु होला । अशान्ति र अराजकताका समाचार सुन्नु पर्ने हुनसक्छ । आज पारिवारिक समस्याले मन खिन्न हुनेछ । दाम्पत्य सम्बन्धमा पनि तालमेल हुँदैन ।