National News » सुनसरीमा गोली चल्यो,स्थिति तनावग्रस्त

---

१२ जेठ,काठमाडौ। एक महिलाको हत्यामा संलग्नलाई कारबाही नगरेको भन्दै सुनसरीको दुहबीका स्थानिय बासिन्दाले गरेको बन्दका क्रममा झडप भएको छ । कोसी राजमार्ग दुहबीमा यातायात बन्द गराएका स्थानीय र प्रहरीबीच भएको झडपमा केही प्रदर्शकारी घाइते भएका छन ।



प्रदर्शकारीले दुईजनालाई गोली लागेको दावी गरेका छन । गोली लागि विजय चौधरी र महमुद जलिल घाइते भएका छन् । स्थितिलाई नियन्त्रणमा लिन केही राउन्ड अश्रुग्यास मात्र हानिएको प्रहरीले जनाएको छ ।

प्रदर्शकारीले केही सवारी साधनका साथै अक्सिजन बोकेको गाडीमा तोडफोड गरेपछि प्रहरीले हस्तक्षेप गरेको जनाएको छ । बैशाख १४ गते स्थानिय खोलामा स्थानिय राधा मण्डलको शव भेटिएता पनि अहिले सम्म हत्यारालाई पक्राउ गर्न नसकेको भन्दै स्थानियवासी आक्रोशित बनेका हुन् ।