आजको राशिफल » आजको पञ्चाङ्ग र राशीफल ,वैशाख ३० गते सोमबार, २०१३ मे १३

---

आजको पञ्चाङ्ग र राशीफल विक्रमसंवत् २०७० साल वैशाख ३० गते सोमबार, ईश्वीसन् २०१३ मे १३, आज अक्षय तृतीया, धर्मघटादि दान, त्रेता युगादि,



नेपाल संवत् ११३३, वैशाख शुक्लपक्ष (वछलाथ्व), तृतीया तिथि, दिउँसो १० बजेर १० मिनेटसम्म, त्यसपछि चतुर्थी तिथि, मृगशीरा नक्षत्र मध्याह्नपछि २ बजेर ४१ मिनेटसम्म, त्यसपछि आद्र्रा नक्षत्र, सुकर्मा योग दिउँसो ११ बजेर ०९ मिनेटसम्म, त्यसपछि धृति योग, दिनको पूर्वार्द्धमा वणिज र उत्तरार्द्धमा विष्टि (भद्रा) करण, मिथुन राशीको चन्द्रमा, राहुकाल बिहान ६ बजेर ५१ मिनेटदेखि बिहान ८ बजेर ३२ मिनेटसम्म, इटहरीमा आजको सूर्योदय – ५:१०:२१ बजे र सूर्यास्त – ६:३५:३४ बजे ।

मेष (चु, चे, चो, ला, लि, लु, ले, लो, अ) –

हिजोआज राम्रै समय चल्दैछ । शुभसमाचारको आगमनले मन प्रसन्न रहने छ । धेरथोर सामाजिक कामको लागि खर्च गर्ने समय आएको छ । उपहार पुरस्कार आदि मिल्नेछ । नयाँ काम गर्ने सोच बनाउनु भएको छ भने आज त्यसका लागि अनुकूल समय आएको छ ।

बृष (इ, उ, ए, ओ, बा, बि, बु, बे, बो) –

हिजोआज राम्रै समय चल्दैछ । आर्थिक अवस्थामा दृढता आउने छ । जलसँग सम्बन्धित व्यवसाय अपनाउन सके राम्रो हुनेछ । कृषि तथा कृषिजन्य व्यवसायबाट यथेष्ट लाभ उठाउन सकिन्छ । सामाजिक र पारिवारिक सम्बन्ध सुदृढ हुनेछ । दिन रमाइलो गरी बित्नेछ ।

मिथुन (का, कि, कु, घ, ङ, छ, के, को, ह) –

हाँसखेल र मनोरञ्जनपूर्ण समय छ । धर्मकर्ममा रुचि बढ्ने योग छ । मिष्ठान्न भोजन प्राप्त हुनेछ । अरुबाट तपार्इंका कामको उच्च मूल्याङ्कन हुने सङ्केत छ । बोल्दा ख्याल गर्नुहोला । प्रशंसा, बढुवा वा जिम्मेवारी मिल्ने देखिन्छ । आज कुनै अप्रत्याशित काम बन्ने योग छ ।

कर्कट (हि, हु, हे, हो, डा, डि, डु, डे, डो) –

आज किसिमकिसिमका समस्यासित जुध्नु पर्ने परिस्थिति छ । झैझगडा र मुद्दामामिलाभन्दा टाढै बस्नु उचित हुनेछ । यात्रा घातक बन्न सक्छ, धेरै टाढा नजानु होला । आर्थिक समस्याले सङ्कट उत्पन्न गर्न सक्छ । दान पुण्यको कार्य गर्नु होला, आम्दानीका मार्ग प्रशस्त हुनेछन् ।

सिंह (मा, मि, मु, मे, मो, टा, टि, टु, टे) –

घरपरिवारबाट भरमग्दुर सहयोग प्राप्त हुने छ । आजको सानो प्रयासले रोजगारीको राम्रो अवसर हात पर्न सक्छ । सरकारी जागिरेका लागि उपयुक्त समय आएको छ, प्रशंसा, बढुवा वा जिम्मेवारी मिल्ने देखिन्छ । आज कुनै अप्रत्याशित काममा सहयोग गर्नु पर्ला ।

कन्या (टो, प, पि, पु, ष, ण, ठ, पे, पो) –

व्यवसायिक क्षेत्रमा भने कुनै फेरबदल हुँदैन, त्यस्तै प्रतियोगितात्मक क्रियाकलापमा सफल भइने छ । तर मध्याह्नपछि मानसिक उल्झनबाट मुक्ति हुनेछ । मनमा सकारात्मक सोच लिनु होला । आम्दानीमा कमी आउने छैन । पारिवारिक जीवन सामान्य र सन्तोषप्रद रहने छ ।

तुला (र, रि, रु, रे, रो, ता, ति, तु, ते) –

आज धार्मिक र सामाजिक काममा समय बित्ने दिन हो । आज दिनदुखीलाई दिएको सानो सहयोगले तपाईंको रोकिएको काम बन्न सक्छ । पशुपालक र दुग्धव्यवसायमा संलग्नहरुले मनग्ये लाभ प्राप्त गर्नेछन् । परोपकार र धार्मिक क्षेत्रमा लगानी गरेमा अझ राम्रो हुनेछ ।

बृश्चिक (तो, ना, नि, नु, ने, नो, या, यि, यु) –

समय राम्रो छैन । शरीरमा आलस्य र थकानको अनुभव हुनेछ । यतिबेला तपार्इंलाई नै भनेर कुनै ठूलो सहयोग सद्भाव मिल्न कठिन छ । विचार गरेर काम गर्नुहोला । मनमा अशान्ति र छटपटी व्याप्त हुने छ, सचेत एवं सावधान रहनु होला, खराब समय छ ।

धनु (ये, यो, भ, भि, भु, ध, फा, ढ, भे) –

समय राम्रो छ । प्रेममा सफलता प्राप्त हुने योग छ । सामान्य विवादले ठूलो रूप लेला तर पनि तपाईंकै विजय हुनेछ । नआत्तिकन निर्वाह गर्नुहोला । सरकारी जागिरेका लागि उपयुक्त समय आएको छ, कतै छोटो दुरीको विशिष्ट र लाभदायी यात्रा पनि हुन सक्छ ।

मकर (भो, ज, जि, खि, खु, खे, खो, गा, गि) –

मनमा अशान्ति र छटपटी व्याप्त हुने छ । विपरीतलिङ्गीप्रति आकर्षण बढ्नेछ, अचानक भोगविलासमा तिर्सना जाग्नेछ । माया प्रेमको लागि खर्च हुने देखिन्छ । खानपिन, घुमघाम एवं भेटघाटको बेला छ । बेलुकीपख चिताएका केही काम बन्ने संकेत प्राप्त हुने सम्भावना छ ।

कुम्भ (गु, गे, गो, सा, सि, सु, से, सो, द) –

आज कुनै साहित्यिक तथा बौद्धिक काममा संलग्न हुने बेला छ । आफन्तबाट सहयोग र हौसला प्राप्त हुने छ । तपार्इंले गरेका कामको प्रशंसा हुनेछ । आफूले प्राप्त गरेको ज्ञान अरुलाई बाँड्ने बेला यही हो । इष्टमित्रले पनि तपार्इंको प्रशंसा गर्नेछन् ।

मीन (दि, दु, थ, झ, ञ, दे, दो, च, चि) –

अति प्रतिकूल समय छ । स्वास्थ्यमा गडबडी भई दैनिक कामकाजमा असर पर्ने योग छ । बढी खर्च र यात्रा दुवैलाई नकार्न सकिन्न । अनाहकमा अरुले गरेका गल्तीको पनि सजाय भोग्नु पर्ने अवस्था आउला । अनावश्यक यात्रा तथा गुप्त र मानसिक रोगले सताउन सक्छ ।