Crime » बलात्कारपछि प्रमिलाको हत्या !!

---

११ जेठ, बारा । बाराको हरैया गाविस-६ नयाँबस्तीकी ४५ वर्षीया प्रमिला लोहनीको शव चारकोसे जङ्गलमा भेटिएको छ ।



दाउरा लिन शुक्रबार बिहान घरबाट निस्केकी लोहनीको घाँटीमा बञ्चरो प्रहार गरी हत्या गरिएको अवस्थामा जंगलमा शव फेला परेको जिल्ला प्रहरी कार्यालय बाराले जनाएको छ ।

लोहनीको बलात्कारपछि हत्या भएको प्रारम्भिक अनुसन्धानबाट देखिएको प्रहरीले जनाएको छ । बस्तीबाट करिब पाँच किलोमिटर टाढाको जङ्गलमा लोहनीको शव फेला परेको हो ।

घटनास्थलमा प्रहरी नायब उपरीक्षक नवराज अधिकारीको नेतृत्वमा प्रहरीको टोली पुगेर अहिले थप अनुसन्धान गरिरहेको बताइएको छ ।