Bollywood, Entertainment » सलमानकी नायिकालाई किशोरी अपहरणको आरोप

---

बलिउड दबंग खान सलमानले आफ्नो नयाँ चलचित्र ‘मेन्टल’मा नायिकाको रुपमा डेब्यु गराउन लागेकी सना खान यतिबेला फरार छिन् । उनी विरुद्ध प्रहरीले अपहरण कोशिशको उजुरी दर्ता गरेको छ ।



भारतिय संचारमाध्यमका अनुसार एक विवाह पार्टीमा सना खानका भाई नावेद खानले एक किशोरीको अपहरण गर्ने कोशिश गरेका थिए । नावेदले उक्त युवतीलाई बिबाहका लागि प्रस्ताव गरेको तर नमानेपछि अपहरण गर्ने कोशिश गरेको आरोप परिवारको छ । उक्त अपहरण काण्डमा नावेदका केही साथी र सनाको संलग्नता रहेको प्रहरीले दाबी गरेको छ ।

तर किशोरी भागेपछि सना र उनको भाइको योजना विफल भएको बताइएको छ । सनाले युवतीलाई आफ्नो भाइसँग बिहे नगरेको खण्डमा कसैसँग पनि बिहे गर्न लायकको नरहने बनाइदिने धम्की दिएको युवतीको परिवारले आरोप लगाएको छ ।

यो घटनासँगै सना खान फरार भएको बताइएको छ । तर सनाका सेक्रेटरीले एउटा चर्चित व्यक्तीलाई फसाउँन किशोरीको परिवारले यो जाँल रचेको आरोप लगाएका छन् ।