National News » निर्वाचन आयोगद्वारा सुरक्षा निकायसँग परामर्श

---

काठमाडौं, २३ साउन । निर्वाचन आयोगले शान्ति सुरक्षाका विषयमा सुरक्षा निकायसँग छलफल गर्ने भएको छ ।



छलफलका लागि आयोगले नेपाली सेना, नेपाल प्रहरी, राष्ट्रिय अनुसन्धान विभाग र सशस्त्र प्रहरीका प्रमुखलाई आज (बुधबार) कान्तिपथस्थित कार्यालयमा बोलाएको छ ।

मंसिर–४ गते हुने निर्वाचनको तयारी तीब्र भईरहेका बेला आयोगले सुरक्षाका विषयमा जानकारी लिन लागेको हो । आयोगले मतदाता, उम्मेद्वार र मतपेटीको सुरक्षाका विषयमा पनि सुरक्षा निकायको योजना माग्ने बुझिएको छ ।

सरकार, उच्चस्तरीय राजनीतिक समितिले निर्वाचनको तयारी तीव्र रुपमा बनाई रहेका छन् ।