Entertainment » मलेसियामा ‘तक्मे बुढा’ हसाँउन तयार, एभरेष्ट कन्र्सट आज हुँदै, होचा व्यक्तिको मलेसियाभर चर्चा

---

विजय आवाज/ रामचन्द्र नेपाल, क्वालालम्पुर मलेसिया

दिनसम्म आयोजना हुन लागेको ‘एभरेष्ट कन्र्सट २०१३’ आजबाट मलेसियाका विभिन्न शहरमा सुरु हुँदैछ । कन्र्सटका लागि नेपाली कलाकारको टोली मंगलबार बेलुकी मलेसिया आइपुगेको हो । मलेसियाको राजधानी क्वालालम्पुरमा बिहिबार आयोजना हुन लागेको कन्र्सटको सम्पुर्ण तयारी सकिएको छ । कन्र्सट मध्यान्न १२ बजेबाट क्वालालम्पुर स्थित ‘चिन्हो स्टेडिय’मा आयोजना हुन लागेको छ ।जसका लागि कलाकारहरुले पनि आफ्नो तयारी तिब्र पारेका छन् । चर्चित हाँस्य कलाकार विल्सन विक्रम राई ‘तक्मे बुढा’ले दर्शकलाई पेट मिचिमिची हसाँउन आफूले कुनै कसर बाँकी नराख्ने प्रतिक्रिया दिएका छन् । उनले दर्शकले विल्सन विक्रम र तक्मे बुढाको रमाइलो प्रस्तुती हेर्न पाउने बताए । यस्तै पहिलो पटक मलेसिया आएकी नायिका नीता ढुंगानाले विभिन्न चर्चित गीतमा नृत्य गरेर दर्शकलाई भरपुर मनोरञ्जन दिने बताइन् । गायक मिलन लामा र गायिका सम्झना लामिछाने मगरले दोहोरीमा मलेसियामा रहनुभएका नेपालीहरुलाई झुमाउने बताएका छन् । यसका साथमा दर्शकले विश्वकै होचा चन्द्रबहादुर डाँगीसँग फोटो खिचाउने अवसर समेत पाउनेछन् । यस्तै डाँगी र तक्मे बुढाको नृत्यले पनि कार्यक्रमलाई अझ आकर्षक बनाउने आयोजकको भनाई छ ।दर्शकलाई भरपुर मनोरञ्जन दिनका लागि गायक रोज मोक्तान, गायिका विष्णु चेम्जोङ, मोडल भावना गुरुङ, गायक सोम बुढाथोकी, विभिन्न



वटा विधामा गीनिज बुक अफ द वल्र्ड रेकर्डमा नाम लेखाउन सफल थानेश्वर गुराँगाईको आकर्षक प्रस्तुतीले माहोल तताउने विश्वास गरिएको छ । कार्यक्रममा विभिन्न भेषभुषामा क्वाटवाक गराउने तयारी समेत आयोजकले गरेको छ । नेपाल आदिवासी जनजाती महासंघ मलेसियाको आयोजना तथा विभिन्न संघसंस्थाहरुको सहआयोजनामा हुन लागेको यो ‘एभरेष्ट कन्र्सट’लाई भव्य र सव्य बनाउन कुनै कसर बाँकी राखिएको छैन । यो कार्यक्रमलाई आइएमई र आइटेल मोबाइलले प्रायोजन गरेको छ ।

मलेसियाभर चन्द्रबहादुरको चर्चायसैबिच कार्यक्रममा सहभागी हुनका लागि मलेसिया आइपुगेका विश्वकै होचा व्यक्ति चन्द्रबहादुर डाँगीको चर्चा मलेसियामा चुलिएको छ । आयोजकले क्वालालम्पुरमा रहेको रोएल चुलान होटलमा एक पत्रकार सम्मेलनको आयोजना गर्दै चन्द्रबहादुर डाँगीको बिषयमा जानकारी गराएको थियो ।उक्त पत्रकार सम्मेलनमा मलेसियाका विभिन्न संचारमाध्यहरुको उल्लेखनिय उपस्थिती थियो । मलेसिया स्थित नेपाली दुतावासका कार्यबाहक राजदुत लेखनाथ भट्टराइले पत्रकारहरुलाई डाँगीको बिषयमा जानकारी गराएका थिए । मलेसियामा विभिन्न संचारमाध्यहरुबाट आएका पत्रकारहरुले डाँगी, विश्वकै अग्लो सर्बोच्च शिखर सगरमाथा र नेपालमा जन्मिएका भगवान गौतम बुद्धका बिषयमा चासो राखेका थिए ।


डाँगीको सम्मानमा रात्रीभोजको आयोजना 

डाँगीको बिषयमा पत्रकार सम्मेलनको आयोजना गरेको आयोजकले बुधबार बेलुकी रात्रीभोजको आयोजना गरेको थियो । भोजमा सम्पूर्ण कलाकार, स्थानिय पत्रकार तथा व्यापारीहरुको सहभागीता थियो । कार्यक्रममा बोल्दै मलेसियाका लागि नेपाली कार्यबाहक राजदुत लेखनाथ भट्टराइले नेपाली कलाकार र विश्वकै होचा चन्द्रबहादुर डाँगीलाई मलेसियामा पाउँदा खुशी लागेको बताए । गैर आवसिय नेपाली संघ मलेसियाका अध्यक्ष शंकरबहादुर पौडेलले कार्यक्रम सफलताको शुभकामना दिएका थिए । यसैगरी आदिवासी जनजाती महासंघ मलेसियाका अध्यक्ष सुन्दरआले मगरले कार्यक्रम भव्य बनाउन कुनै कसर बाँकी नराखेको बताए ।onlinekhabar