चलचित्र दबाब यसै सातादेखि देशव्यापी
जय मा अम्बे फिल्मस्को ब्यानरमा अनिता महर्जनद्वारा निर्मित नेपाली चलचित्र दबाब यही असार २८ गतेदेखि देशव्यापी रुपमा एकैसाथ प्रदर्शनमा आउने भएको छ । पुराना निर्माता भानु महर्जनको प्रस्तुती रहेको दबाब विशुद्ध प्रेम कथामा आधारित रहेको बताइन्छ ।
प्रस्तुतकर्ता भानु महर्जनले व्यवसायिक रुपले सफल हुने आशा गरेको चलचित्र दबाबमा आर्यन सिग्देल, नीता ढुंगाना, रबि गिरी, मोहन श्रेष्ठ, रश्मि भट्ट, प्रमिला खनाल लगायतका कलाकारहरु मुख्य भूमिकामा रहेको छ भने चलचित्रलाई दयाराम दहालले निर्देशन गरेका छन् । चलचित्रमा द्वन्द्व राजेन्द्र खड्गी, संगीत बसन्त सापकोटा र दीपक शर्मा, नृत्य जानकी महर्जन, गम्भीर विष्ट र कविराज गहतराजको रहेको छ ।
विदेशी मुद्रालाई नेपाली रुपैयाँमा र नेपाली रुपैयाँलाई विदेशी मुद्रामा परिवर्तन गरौं