Entertainment » प्रियंकाको पिताको अन्तिम संकारमा पुगे सुनिल थापा, सँगै बलिउड सिनेमा खेल्दै

---

बलिउड नायिका प्रियंका चोपडाका पिता अशोक चोपडाको निधनले बलिउड नै शोकमा डुबेको छ । उनको पिताको अन्तिम संकारमा बलिउडका चर्चित कलाकारहरु पनि पुगेका थिए । अन्तिम संकारमा नेपाली सिनेमाका चर्चित कलाकार सुनिल थापा पनि पुगेका थिए ।फुलेको दाह्रीमा सुनिल बलिउड सेलिब्रेटीहरुसँगै प्रियंकाको घर पुगेका हुन् ।



कलाकार थापाले नायिका प्रियंका चोपडासँग एक सिनेमामा काम गर्न लागेको खबरहरु पनि आइरहेको छ । नायिका चोपडाले भारतिय बक्सर खेलाडी म्यारी कोमको जीवनीमा आधारित एक चलचित्रमा अभिनय गर्दैछिन् । जसको निर्देशन संजयलिला भन्सालीले गर्न लागेका छन् । यो चलचित्रमा नेपाली सिनेमाका चर्चित कलाकार सुनिल थापाले प्रियंकाको गुरुको भूमिका निर्वाहा गर्न लागेको बताइएको छ । चलचित्रमा सुनिलले प्रियंकालाई बक्सिङको तालिम दिनेछन् ।

यो बिषयमा मुम्बइमा रहेका कलाकार सुनिल थापासँग वुझ्न खोज्दा उनले केही दिनमै जानकारी गराउने जवाफ फर्काएका छन् । सुनिलले नेपाली चलचित्रमा प्रवेश गर्ने अघि केही बलिउड चलचित्रमा काम गरेका थिए ।