National News, Videos » नेपालका पाँच गुन्डानाइकेको ठेगाना नै गलत परे पछि! हेर्नुस् भिडियोसहित

---

ठेक्कापट्टाको कमिसनदेखि व्यापारीलाई धम्क्याएर गैरकानुनी सम्पत्ति आर्जन गरेको अभियोगमा सम्पत्ति शुद्धीकरण अनुसन्धान विभागले चर्तित पाँच डनविरुद्ध मुद्दा चलाएको मंगलबार १७ दिन बितेको छ । तैपनि, अदालतले उनीहरूलाई अझै म्यादपुर्जी बुझाउन सकेको छैन । पाँच गुन्डानाइकेले अवैध रुपमा करोडौं रुपैयाँ कमाएको भन्दै विशेष अदालतमा मुद्दा दायर भएको दुई साता बित्दा पनि तीमध्ये एकैजनाले अदालत उपस्थित हुनुपर्ने म्याद बुझेकै छैनन् । जिल्ला अदालतका तमिलदारले पाँच जना डनको घर पत्ता लगाउन नसकेका कारण म्यादपुर्जी बुझाउन सकेका छैनन् । सम्पत्ति शुद्धीकरण विभागले मुद्दा चलाउँदा डनहरूको स्थायी र अस्थायी घर ठेगाना बताए पनि उनीहरू फेला पर्न नसकेका कारण म्यादपुर्जी बुझाउन नसकेको जिल्ला अदालत काठमाडौंले जनाएको छ । व्यापारी अपहरण गरी उनीहरूबाट लिएको फिरौती रकम, ठेक्कापट्टाबाट गैरकानुनी रूपमा सम्पत्ति आर्जन गरेको जिकिर गर्दै गत ५ जेठमा विभागले डन गणेश लामा र उनकी पत्नी लक्ष्मी, राजीव गुरुङ उर्फ दीपक मनाङे र उनकी पत्नी पासाङ, चक्रे मिलन र उनकी पत्नी इन्द्रा, कृष्ण बस्नेत उर्फ पर्शुराम बस्नेत र उनकी पत्नी अञ्जु, तथा अभिषेक गिरी र उनकी पत्नी अनिषाविरुद्ध मुद्दा दायर गरेको थियो ।




पुरा भिडियो हेर्न तल बक्समा डबल क्लिक गर्नुहोला।