Crime » झापामा १२ वर्षीय बालकको निर्मम हत्या..

---

भद्रपुर, जेठ २० । झापाको महेशपुर ९ स्थित चिया बगान छेऊमा गएराति एक विद्यार्थीको हत्या भएको छ ।
हल्दिवारी ४ निवासी १२ बर्षिय सजय राईको हत्या भएको हो । हल्दिवारी उच्च मावि कक्षा ६ मा अध्ययनरत राईको विद्यालय पोशाकमै हत्या भएको र उनको मृत शरीर आज विहान ६ बजे चिया बगानमा छेऊमा फेला परेको प्रहरीले जनाएको छ ।
मृत शरीरको अवस्थामा हेर्दा टाउकोमा प्रहार र शरीरमा चोट लाग्नुका साथै शवको वरिपरि स्कूल व्याग र बासको टुक्रा भेटिएकोले विद्यार्थी राईको हत्या नै गरिएको स्थानीयवासीहरु बताउँछन ।
यता प्रहरीले भने हत्या नभएको दुर्घटनामा परी शव ल्याएर फालिएको हुन सक्ने भन्दै उक्त विषयमा अनुसन्धान भइरहेको जिल्ला प्रहरी कार्यालय झापाले जनाएको छ ।