National News » त्रिशुलीमा ट्याङकर खस्दा ३ को मृत्यु

---

१० जेष्ठ, चितवन । पेट्रोलीयम पदार्थ बोकेर काठमाडौ जाँदै गरेको ट्याङकर चितवनको दारेचोक ३ घोप्टेभीरबाट त्रिशुली नदिमा खस्दा चालक सहित ३ जनाको घटनास्थलमै मृत्यु भएको छ ।

मृत्यु हुने सबैको पेट्रोलबाट सल्केको आगोका कारण ज्यान गएको बताइएको छ । मृत्यु हुनेमा ना ४ ख ३२६४ नम्मरको ट्याङकरका चालक पदमपोखरी ८ मकबानपुरका वर्ष ३८ का गोपालसिहं लामा (वाईवा)को रहेका छन् भने अन्य दुईको शव जलेर नष्ट भएकाले पहिचान गर्न नसकिएको ईलाका प्रहरी कार्यालय मुग्लीनले जनाएको छ ।

दुर्घटना पश्चात त्रिशुली नदी किनारमा रहेको ट्याङकर जलेर पुर्णतया नष्ट भएको प्रहरीले जनाएको छ ।

दुर्घटना गएराति साढे ११ वजे तिर दुर्घटना भएको प्रहरीले जनाएको छ । घट्ना मुग्लीन बजारबाट ४ किलोमीटर काठमाडौतर्फ पदर्छ । बाटो साघुँरो भएकाले दुर्घटना भएको हुनसक्ने प्रहरीले अनुमान गरेको छ ।