Crime » बलात्कारपछि जलाएर १२ वर्षीया किशोरीको विभत्स हत्या!!

---

९ जेठ, सप्तरी । सप्तरीको कोईलाडी बर्साइन ५ मा मंगलबार राती एक १२ वर्षीया किशोरीको बलात्कार पछि निर्ममतापूर्वक हत्या गरिएको छ ।



हत्यापछि नचिनिने गरी पेट्रोल छर्केर जलाइएको उनको मृत शरीर बुधबार बिहान कोईलाडी बर्साइन ५ स्थित नहर किनारामा फेला परेको प्रहरीले जनाएको छ । अनुहार पूर्ण रुपमा जलिसकेकोका कारण ती किशोरी को हुन् चिन्न सकिएको छैन् ।

ती किशोरीको पहिचान खुल्न नसकोस् भन्ने उद्देश्यले नै हत्याराले हत्या पछि पेट्रोल छर्केर उनको अनुहारका साथै शरीरको ८० प्रतिशत भाग जलाएको हुन सक्ने अनुमान प्रहरीले गरेको छ ।

स्थानीयबासीहरुले अन्य कुनै गाउँबाट ल्याएर कसैले बलात्कार पछि ती किशोरीको विभत्स ढंगले हत्या गरेको आशंका गरेका छन् ।