प्रवासमै रहेर एक दशक भन्दा बढी निरन्तर सांगीतिक क्षेत्रमा लागि रहेका गायक जीवन लामाले दोस्रो एकल एल्बम 'प्रयोग' संगै नयाँ म्युजिक भिडियो पनि सर्बजानिक गरेका छन् । जुन एल्बममा छ वटा गीतहरु समाबेश गरिएको छ।

छ वटा मध्धे तिन वटा गीतहरुमा गायक स्वयम् जीवन लामाको शब्द संगीत रहेको छ भने अन्य ३ वटा गीतमा रामजी लामा र ब्रिजन श्रेष्ठको शब्द संगीत रहेको छ। यस एल्बममा संगीत संयोजन तर्फ भने डिका गुरुङ, राजु खड्का, पवन वांग लामा र नोर्बु शेर्पा लगाएतले गरेका छन् । सबै स्रोताहरुलाई मन जिताउने उदेस्यले निकालिएको यस एल्बममा दुइवटा आधुनिक, एउटा क्लासिकल, दुइ वटा लोक धारका र एउटा रक पप समेत समाबेश गरिएको छ । गायक तथा संगीतकार जिवन लामाको नयाँ एल्बम ‘प्रयोग’ मा समावेश भएको 'धेरै माया गर्थे तिमीलाई' बोलको गीतको म्यजिक भिडियो यो एल्बम संगै रिलिज गरेका छन् । रसिका म्युजिक एण्ड फिल्म प्रोडक्शन प्रा.लि. बाट बजारमा आएको उक्त एल्बम जीबनको दोश्रो सोलो एल्बम हो । जिवनको एकल स्वर तथा संगीत रहेको उक्त एल्बममा समावेश ‘धेरै माया गर्थे तिमीलाई' बोलको गीतमा स्वयम् जीवन लामाको शब्द तथा संगीत रहेको छ भने नोर्बु शेर्पाले संगीत संयोजन गरेका छन् । सुमन तण्डुकारको सिनेमाटोग्राफी रहेको उक्त गीतमा, जिवन, चाहना तथा आशिषको अभिनय रहेको छ । चेत बहादुर बुढाथोकीको निर्देशन तथा सम्पादन रहेको उक्त गीतको भिडियो यस्तो रहेको छ ।