थाइल्याण्ड - थाइल्याण्डको दक्षिणी क्षेत्रमा सुरक्षाकर्मी र विद्रोहीबीच भएको भिडन्तमा १९ जना विद्रोहीको मृत्यु भएको छ । सुरक्षाकर्मीतर्फ भने कुनै क्षति नभएको थाइ सरकारले जनाएको छ ।



सय भन्दा बढीको संख्यामा गएका विद्रोही समूहले दक्षिणी क्षेत्रको नराथिवात प्रान्तमा रहेको सैन्य शिविरमा आक्रमण गरेपछि भिडन्त भएको हो ।



यस घटनालाई थाइ सरकारले विगतमा भएकामध्ये ठूलो विद्रोही गतिविधि भएको बताएको छ। थाइल्यान्डको दक्षिणी क्षेत्रमा मुस्लिम विद्रोहीहरुले विगत ९ वर्षदेखि गतिविधि संचालन गर्दै आएका छन् ।