Feature » समलिंगीको आंशकामा अमेरिकामा कुकुरलाई घर निकाला

---

अमेरिकाको टेनेसी राज्यका एक नागरिकले आफूले पालेको कुकुर समलिंगी भएको आंशकामा घर निकाला गरेका छन्।

कुकुरका मालिकले आफैँले पालेको कुकुर समलिंगी भएको आशंकामा घरबाट निकाला गरेका हुन् । एल्टन नामगरेको कुकुरलाई कुकुरमालिकले दिनभर भुस्याहा कुकुरको पछि दौडिराखेको अरोप लगाउँदै घरबाट निकाला गरेको विभिन्न समाचार संस्थाहरुले उल्लेख गरेका छन् । कुकुरका मालिकले उक्त कुकुरकै कारण घरको वातावरण खराब बन्दै गएको समेत बताएका छन् ।

कुकुर मालिकले कुकुरलाई डग सेल्टर होममा अपठाएका हुन् । कुकुरका धनीलाई उद्धृत गर्दे समाचार संस्थाहरुले लेखका छन् ‘बिहान उठेदेखि एल्टन खराब चरित्रका कुकुरको पछि लाग्ने र झगडा गरेर दिक्क लाउँने गथ्र्यो ।’ कुकुरका मालिकले कुकुरको दैनिक व्यवहारको अध्ययनबाट उ समलिङ्गी भएको प्रष्ट थाहापाएपछि डग सेल्टरमा पुर्याएको बताएका छन् ।

डग सेल्टरका मालिकले समेत उक्त कुकुरले समलिंगीको व्यवहार गरेको भन्दै मृत्यु दण्ड दिने निर्णय गरेको कुरा उल्लेख गरिएको छ । कुकुरलाई मृत्यु दण्डदिने खबर सामाजिक सञ्जालबाट सार्वजनिक भएपछि मृत्युदण्डबाट भने उक्त कुकुर बचेको छ ।