खगेन्द्रले जन्मदिन मनाए (फोटो फिचरसहित)

२९ असोज, पोखरा । करिब आठ महिना गिनिज बुक अफ दि वर्ल्ड रेकर्डमा आफ्नो नाम चम्काई सकेका खगेन्द्र थापा मगरले आइतबार आफ्नो २० औं जन्मदिन मनाएका छन् ।

खगेन्द्र थापा मगर प्रतिष्ठानका अध्यक्ष मिनबहादुर राना मगरको घरमा आयोजित कार्यक्रममा खगेन्द्रले आफ्नो जन्म दिनको केक काटेर प्रतिष्ठान तथा आफ्न्तसंग शुभकामना आदनप्रदान गरी जन्मदिन मनाए ।

 

बाग्लुङ धुल्लु वासकोटमा ६ मा जन्मिएका खगेन्द्र मिनबहादुरको पहलमा २०६२/६३ मा पोखरा आए पछि प्रतिष्ठानको पहलबाट गिनिज बुकमा विश्वकै सानो मान्छेको रेकर्ड समेत कायम गरेका थिए । जन्मदिनको अवसरमा खगेन्द्रलाई भेट्न आउनेहरुले खगेन्द्रलाई फुलमाला तथा टिका लगाउदै स्वास्थ्य एवम दृर्घायुको कामना गरेका थिए ।

खगेन्द्र नेपालकै सेलीव्रटी भएकोले उनको जन्म दिनमा एक आपसमा शुभकामना आदान प्रदान गर्न पनि उक्त कार्यक्रम आयोजना गरेको प्रतिष्ठानका अध्यक्ष राना मगरले बताए । जन्म दिनको अबसरमा खगेन्द्रलाई हेर्न मानिसहरुको भिड नै लागेको थियो ।

 

उनको नाममा रहेको सवैभन्दा होचा व्यक्तिको कीर्तिमान फिलिपिन्सका पिङपिङले तोडेका थिए । तर, उनी भन्दा पनि हाचा व्यक्ति नेपालमै भेटिएका छन् । नेपालका चन्द्रबहादुर डाँगी विश्वका सबैभन्दा होचा व्यक्ति हुन् ।