Latest Updates, National News » विषाक्त माछा खाँदा दुई बालबालिकाको मृत्यु

---

महोत्तरी, कात्तिक ४ । महोत्तरीको सिङ्ग्याही—७ मा विषाक्त माछा खाँदा दुई बालबालिकाको मृत्यु भएको छ । एकदिन अघि पकाएको बासी माछा खाँदा विष्णु यादवका एक छोरा र एक छोरीको मृत्युभएको जिल्ला प्रहरी कार्यालय महोत्तरीका प्रहरी निरीक्षक सुरज खड्काले जानकारी दिनुभयो ।
बिहीबार धानखेतमा मारिएको भुरा माछा एकदिन पछि खाँदा अत्यधिक पखाला चलेपछि दुवैलाई जनकपुर अञ्चल अस्पताल लैजाँदै गर्दा बाटैमा मृत्यु भएको प्रहरीले जनाएको छ ।
जिल्लाका सम्सी, लोहारपट्टी, रामगोपालपुर र सिमरदहीस्थित प्राथमिक उपचार केन्द्रका सेवाक्षेत्रमा पनि विषाक्त माछा खाएर बिरामी हुने क्रम देखिएको जिल्ला स्वास्थ्य कार्यालय महोत्तरीले जनाएको छ ।