Amazing News » एयरपोर्टका कर्मचारीले खोल्न लगाए युवतीको कट्टु

---

हामीकहाँ अध्यागमनका अधिकारीहरुले विदेशबाट फर्केकी एक जना युवतीमाथि यौन शोषण गरेको समाचार केही महिना पहिले आएको थियो । उता बेलायतमा भने विमानस्थलका कर्मचारीमाथि एक अनौठो तथा शर्मनाक आरोप लागेको छ । एयरपोर्टको सुरक्षा जाँच गर्ने अधिकारीहरुले चेकजाँचका क्रममा एक १८ वर्षीया युवतीले लगाएको हाप पाइन्ट खोलिदिएको आरोप कर्मचारीहरुमाथि लागेको छ ।



छुट्टी मनाउन स्पेन जान लागेकी एलिक्स टाउसेन्ड नामकी युवतीले म्यानचेष्टर एयरपोर्टका चेक इन अधिकारीहरुले सय जना मान्छेका सामुन्ने आफ्नो कट्टु काढिदिएको जिकिर गरेकी छिन् । हुनत कर्मचारीहरु आफैले कट्टु काढिदिएका पनि रहेनछन् । उनले लगाएको हाप पाइन्ट निकै छोटो भएको भन्दै विमानभित्र छिर्नका लागि अर्को लामो कट्टु लगाउन उनलाई निर्देशन दिएका रहेछन् । अर्थात् कैयौँ मानिसका सामुन्ने ती युवतीलाई कट्टु काढेर अर्को लुगा लगाउत बाध्य पारेका रहेछन् । उनलाई लुगा फेर्नका लागि कुनै कोठामा जाने अनुमति पनि नदिएर सबैका सामुन्ने कट्टु काढ्न बाध्य पारिएको समाचारमा उल्लेख छ । उनले त्यसपछि रुँदै कट्टु काढेर सुरुवाल लगाइन् ।

अधिकारीहरुले भने कट्टु फुकाल्नका लागि ती युवतीलाई बाध्य नपारेको र वायुसेवाको नियमानुसारको लुगा लगाउन आग्रह गरेको दाबी गरेका छन् ।