Crime » खुकुरी प्रहार गरी श्रीमतीको हत्या

---

लोकेन्द्र खनाल

२८ जेठ, रुकुम । रुकुममा एक व्यक्तिले आफ्नी श्रीमतीको हत्या गरेका छन् । रुकुमको नुवाकोट-८ नाख्लाका ४२ बर्षीय भिमलाल ओलीले सुतिरहेको अवस्थामा गएराति आफ्नी श्रीमती ४२ बर्षीया पवित्रा ओलीको खुकुरी प्रहार गरी हत्या गरेका हुन् ।



राति करीब १ बजे तिर सुतिरहेको समयमा श्रीमतीको हत्या गरी १० बर्षीय छोरा प्रेम, १५ बर्षीय तुलसीराम र १८ बर्षीया छोरी विमलालाई पनि खुकुरी प्रहार गरी गम्भीर घाइते बनाएको जिल्ला प्रहरी कार्यार्लय रुकुमका प्रहरी निरीक्षक ओवबहादुर कुँवरले जानकारी दिनुभयो । घाइतेहरुको जिल्ला अस्पताल सल्लेमा उपचार भइरहेको छ ।

उनीहरुको टाउँको र घाँटीमा गहिरो चोट लागेको छ । हत्याका अभियुक्त ओली भने फरार रहेको र खोजी भइरहेको प्रहरी निरिक्षक कुँवरले जानकारी दिनुभयो ।