National News » महिलालाई जुस खुवाएर बेहोस बनाउँदै लुटपाट गर्ने पक्राउ

---

काठमाडौं, जेष्ठ १० – जुस खुवाएर राजधानीका बिभिन्न स्थानमा लुटपाट गर्ने गिरोहलाई प्रहरीले पक्राउ गरेको छ । महानगरीय प्रहरी बृत नयाँ बानेश्वरले ४ जनालाई पक्राउ गरेको हो । गिरोहले ६ महिना देखी बाटोमा सवारी साधन कुरेर बस्ने महिला यात्रुलाई पेय पदार्थ खुवाएर बेहोस बनाई ट्याक्सीमा राखेर लुटपाट गर्ने गरेका थिए ।



उनीहरुले पछिल्लो पटक सिन्धुपाल्चोक भोटसिपाकी ३९ बषिर्य टुन कुमारी नेपाललाई कोटेश्वरबाट ट्याक्सीमा राखेर नशालु पदार्थ खुवाई बेहास बनाई नगद र सुनका गरगहना लुटेका थिए । त्यसैको उजुरी परेपछि अनुसन्धान गर्दै जादाँ गिरोह फेला परेको बानेश्वर बृतका डिएसपी भीम ढकालले बताए । उनका अनुसार यो गिरोहले बस चढ्ने स्थानबाट ट्याक्सीमा राखेर मिलेमतो गरि खोला किनारमा लगि लुटपाटपछि त्यहि छाडिदिने गरेका थिए ।

प्रहरीले पक्राउ गरेकोमा सिन्धुपाल्चोक पिपलडाँडाका प्रकाश बस्नेत, चौताराका कुमार बस्नेत, भोटेचौरका कुमार प्रसाद खतिवडा र यो समुहले लुटेको सुन खरिद गर्ने कोटेश्वरको कृष्ण सुनचादी पसलका साहु राजेन्द्र सिंह छन् । मिलेमतोमा रहेका बा १ ज ५०४३ नम्बरका ट्याक्सी चालक कृष्ण सिलवाल र महिलालाई फकाउने जानुका आचार्य फरार छन् । प्रकाश यो समुहका टोली नेता हुन् । योजना नै लुट्ने गरेको प्रहरीले जनाएको छ । यो समुहले १८ जनालाई फ्रुटी खुवाएर बेहोस बनाउँदै लुटेको स्विकार गरेका छन् ।

ति मध्ये ११ जना लुटिने महिला सम्पर्कमा आएका छन् । कोटेश्वर बाहेक, कंलकी, नयाूबसपार्क, गौशाला, चाबहिल, कात्येनी र बानेश्वर हाईटमा घटना घटाएको पाइएको छ । प्रहरीले यिनीको साथबाट लुटिएका गहना र नगद समेत बरामद गरेको जनाएको छ ।