Entertainment » राजेश हमाललाई प्रेम गर्न सिकाउदै छु : मधु भट्टराई

---

नायक राजेश हमालको प्रेमिका रहेको खबर मिडियामा आएको लामै समय भैसकेको छ । तर हमालले प्रेमिका सार्वजनिक नगर्दा धेरैले शंका पनि गरेका थिए । हमालको प्रेमिकाको नाम मधु भट्टराई रहेको खबर बाहिर आएपनि मधु वास्तविक हुन् या कपोलकल्पित, धेरैले शंका गरेका थिए ।तर राजेश हमालकी प्रेमिकालाई पहिलो पटक सार्वजनिक गरिएको छ । कान्तिपुर साप्ताहिकमा मधुले विशेष कुराकानी गर्दै भनेकी छिन्, ‘हामी छिट्टै बिहे गर्ने तयारीमा छौ ।’ मधुले राजेश र आफ्नो उमेरको ग्यापकै कारणले प्रेम भएको बताएकी छिन् । उनले राजेशलाई प्रेम गर्न नआउने र आफुले सिकाइरहेको खुलासा गरेकी छिन् ।



राजेश हमाललाई आफुले सुपरस्टार भन्दा पनि असल व्यक्ति भएका कारणले मनपराएको मधुको भनाई छ । मंगोलियन अनुहार र राजेश भन्दा आधा उमेर कान्छी मधुले हमालसँगको प्रेम आफ्नो लागि पहिलो र अन्तिम हुने दाबी गरेकी छिन् । मायामा परेपछि आफुलाई हमालसँगै बस्न, खान मनलाग्ने, नछुट्टउिँ जस्तो लाग्ने भनाई उनको छ । आफुहरु जोडिनुको मुख्य कारण नै माया भएको मधुको दाबी छ । उनले आफूहरु तत्काल बिहेको बारेमा सोचेको र सन्तान त्यसपछिको कुरा रहेको खुलासा गरेकी छिन् । विराटनगरकी मधु भट्टराइसँग ७ बर्षयता प्रेमसम्बन्धमा रहेका हमालले चाडै नै बिहे गर्ने बताउँदै आएकी थिइन् । मिडियाको सामु अझै आफ्नो तस्बिर सार्वजनिक नगरेकी मधुले बिहे पछि मात्र आफू सबैको अघि सार्वजनिक हुने बताएकी छिन् । तर मधुले मिडियामा आफ्नो कुरा राखेकाले पनि हमालको र उनको बिहे दुबैले भनेजस्तै चाडै हुने सम्भावना बढेको छ ।