National News » रोकेर राखेको ट्रकमा ट्याक्सी ठोक्कियो, २ ठहरै, ५ जना गम्भिर घाइते

---

फागुन २९ – पूर्वपश्चिम राजमार्गअन्तर्गत नवलपरासीको गैंडकोटमा आज बिहान रोकिराखेको ट्रकमा ट्याक्सी ठोकिँदा एक जनाको मृत्यु भएको छ भने पाँच जना घाइते भएका छन् ।

पश्चिमबाट पूर्वतर्फ आउँदै गरेको ना१ज २२२२ नम्बरको ट्याक्सी गैंडाकोट –४ मा रोकिराखेको बा२ख १९५९ नम्बरको ट्रकमा ठोकिँदा ट्याक्सीमा सवार एकजनाको मृत्यु भएको हो ।

दुर्घटनामा परी चितवन भरतपुर नगरपालिका –३ का ३२ वर्षीय बालकृष्ण अधिकारीको मृत्यु भएको इलाका प्रहरी कार्यालय गैंडाकोटले जनाएको छ ।

त्यसैगरी दुर्घटनामा ट्याक्सी चालक ४० वर्षीय दीपक पौडेल, शिवमन्दिर–८ का २१ वर्षीय मिलन बस्नेत, प्रवीन आलेमगर, सन्तोष भुसाल, कृष्ण भण्डारी गम्भीर घाइते भएका छन् उनीहरूको भरतपुर मेडिकल कलेजमा उपचार भइरहेको प्रहरीले जनाएको छ ।