प्रधानमन्त्री कार्यालयमा गराइएको आत्मघाती विष्फोटमा ६ जनाको ज्यान गयो

माघ १६ । सोमालियाको राजधानी मोगाडिशुस्थित प्रधानमन्त्री कार्यालयमा गराइएको आत्मघाती विष्फोटमा परी कम्तिमा ६ जना मारिएका छन् । विष्फोटको समयमा कार्यालय मै रहेका प्रधानमन्त्री अब्दी फराह शिर्दौन भने सकुशल रहेको बीबीसीले जनाएको छ । घटनामा धेरै जना घाईते भएका छन् । गत अक्टोबरमा प्रधानमन्त्रीको कार्यकाल शुरु गरेका शिर्दौनलाई लक्षित गरी गराइएको यो पहिलो आक्रमण भएको जनाइएको छ । शिर्दौनको सरकार अहिले २० वर्षसम्म गृहयुद्धले तहसनहस बनाएको मुलुक पूर्ननिर्माणको प्रयासमा छ । तर,अलकायदासंग सम्बद्ध इस्लामिक लडाकु समुह अल–शबाब भने त्यहां चुनौति बनेको छ । दक्षिणी र मध्य सोमालियाका विभिन्न भूभाग अझै पनि अल शबाबको नियन्त्रणमा छन् । एजेन्सी