केही महिनाअघि प्रदर्शनमा आएको चलचित्र ‘बिन्दास’ को विशेष प्रदर्शन कतारमा हुने भएको छ । जनवरी १८ मा चलचित्रको विशेष प्रदर्शन दोहा गल्फ सिनेमा हलमा हुने भएको छ । नेपालमा राम्रो व्यापार गरेको यो सिनेमाको माग कतारमा पनि बढेपछि प्रदर्शन गर्न लागिएको निर्माणपक्षले बताएको छ ।

सुष्मा कार्की, अशोक फुयाँल, सुशान्त कार्की, रेखा घिमिरे लगायतका कलाकारको अभिनय रहेको यो सिनेमा सेक्स केन्दि्रत छ । चलचित्रमा नायिका सुष्मा कार्कीले थुप्रै उत्तेजक दृश्य समेत दिएकी छिन् । राजु गिरीको निर्देशनमा तयार भएको यो सिनेमालाई मधुकुमार श्रेष्ठ र राजु केसीले निर्माण गरेका हुन् । दोहाको प्रदर्शनको व्यवस्था महेन्द्र खड्गा र दिप गुरुङले गरेका हुन् । चलचित्रको विशेष प्रदर्शनका लागि नायिका रेखा घिमिरे कतार जाने निर्माणपक्षको भनाई छ । नायिका सुष्मा कार्कीले प्रदर्शन केही दिन पछि आयोजना गर्न भनेपछि रेखालाई कतार पठाउन लागिएको हो । निर्देशक राजु गिरीले नै निर्देशन गरेको चलचित्र ‘रक्षा’ ले बजारमा चर्चा पाइरहेको छ । यो चलचित्र चैत्र ९ गतेबाट प्रदर्शनमा आउदैछ ।

पुरा भिडियो हेर्नुहोस्