नेपालमा पनि विभिन्न अनुमान र अड्कल काट्दै बाजी लगाउने प्रचलन छ । बाजी जित्न मानिसहरुले जे पनि गर्न तयार हुन्छन् । तर, कहिलेकाहीँ यस्तो बाजी घातक सावित हुन सक्छ । ट्यूनिशियाका एक युवकलाई यस्तै भएको छ । समाचारमा जनाइएअनुसार दुई युवकले बाजी राखे २८ वटा काँचो अण्डा खाने ।

२० वर्षीय दाउ फत्नासीले केही रकम रहेको बाजी जित्न सकिनसकी अण्डा खाए । बाजी पनि जिते तर, त्यसको केहीबेरमा नै उनको पेट सहन नसक्ने गरी दुख्न थाल्यो । तत्काल उनलाई अस्पताल लगिए पनि बचाउन सकिएन ।