नायक राजेश हमाल चलचित्र ‘बरदान’ को विशेष प्रदर्शनका लागि थाइल्यान्ड जाने भएका छन् । थाइल्यान्डमा जनवरी १२ बाट सुरु हुने थाई नेपाली समाजको अधिवेशनमा समेत नायक हमाल सहभागी हुनेछन् । उनका साथमा हास्यकलाकारद्धय दिपा श्री निरौला र दिपकराज गिरी पनि थाइल्यान्ड प्रस्थान गर्दैछन् । चलचित्र ‘वरदान’ को थाइल्यान्डका विभिन्न शहरमा विशेष प्रदर्शन हुने भएको छ । चलचित्रकी निर्मात्री कविता श्रेष्ठका अनुसार, थाइल्यान्डको राजधानी बैङ्कक सहित विभिन्न शहरमा ४ शो आयोजना गरिनेछ । नायक राजेश हमाल, दिपा श्री निरौला, दिपकराज गिरी, बरदानका निर्माता समेत रहेका मञ्जिल श्रेष्ठ र कविता श्रेष्ठ शुक्रबार थाइल्यान्ड प्रस्थान गर्दैछन् । चलचित्रको विशेष प्रदर्शन जनवरी १५ मा हुनेछ । राजेश हमाल, रेजिना उप्रेती, करिश्मा मानन्धर लगायतका कलाकारको मुख्य भुमिका रहेको यो चलचित्र फागुन २५ गतेबाट देशभरका हलमा प्रदर्शनमा आउदैछ ।