इलाम,माघ ६ । रोजगारीका शिल्सिलामा मलेसिया गएमा इलामका जमुना–१ का ४२ बर्षिय धनकुमार गुरुङ मृत अवस्थामा फेला परेका छन् । साढें २ वर्षअघि मलेसियाको सुगम मार्किङस्थित आसिट मोटर कम्पनीमा काम गर्न पुगेका गुरुङ बिहीबार विहान सुतेकै कोठामा मृत फेला परेको खबर आएको परिवारले जनाएको छ ।

बिहान काममा जान उठाउँदा मृत अबस्थामा भेटिएको एकै होस्टलमा बस्ने बाजुराका दानबहादुर शाहीले घरमा खबर दिएका परिवारले जनाएको छ । गुरुङले बुधबार बेलुकासम्म घरमा श्रीमतीसँग टेलिफोनमा कुरा गरेका दाजु यज्ञबहादुरले बताउनुभयो । उहाँको मृत्युको कारण थाहा हुन सकेको छैन । मृतक गुरुङका श्रीमती, आमा र तीन दाजुभाइ छन् ।