४३ किमि माथिबाट हाम्फालेर आवाजभन्दा छिटो पृथ्वीमा (फोटो फिचरसहित)

२९ असोज, काठमाडौं । अस्ट्रियाका स्काइडाइभर फिलेक्स वामग्राट्नरले ध्वनिभन्दा तिब्र गतिमा पृथ्वीमा अबतरण गर्ने कीर्तिमान बनाएका छन् । फिलेक्सले १ हजार ३ सय ४२ किलोमिटरप्रति घण्टाको दरले दुरी पार गर्दै यो रेकर्ड बनाएका हुन् ।

४३ वर्षे फिलेक्सले गएराति पृथ्वीभन्दा ३९ किलोमिटर माथिबाट हाम फालेर १० मिनेटमा पृथ्वीमा अवतरण गरेका हुन् । यससँगै उनले ५० वर्ष अघिको सबैभन्दा उच्च स्थानबाट हाम फालेर बनाएको रेकर्डसमेत तोडेका छन् । उनी पृथ्वीमा अबतरण गरेको दृष्य भिडियो क्यामेराबाट कैद गरिएको थियो भने कन्ट्रोल रुमबाट उनको तिब्र यात्राको निगरानी गरिएको थियो ।