खोजीमा रहेका गुल्मीका विजय भण्डारी सदरमुकाम तम्घासमा पक्राउ
परेका छन्।
आफू नेपालको प्रसिद्ध गुरु स्वामी श्रीविष्णु प्रपन्नाचार्यजी महाराज
रहेको र अमेरिकामा हुने धार्मिक कार्यक्रममा लैजाने भन्दै
भारतमा रहेका नेपाली विद्यार्थीबाट उनी करोडौँ रूपैयाँ ठगी गरेपछि फरार
थिए।
उनले नेपाली विद्यार्थीलाई अमेरिका जान रु पाँच लाख खर्च लाग्ने र रु
एकलाख पेस्की भन्दै करिब रु पाँच करोड ठगी गरेका थिए।
गुल्मीको धुर्कोटवस्तु गाविस-१ निवासी भण्डारीलाई सदरमुकाम
तम्घासबाट वैदेशिक रोजगार विभागको पक्राउ पुर्जीका आधारमा उनलाई
पक्राउ गरिएको जिल्ला प्रहरी कार्यालयका प्रहरी निरीक्षक
जितेन्द्रकुमार बस्नेतले जानकारी दिए।