सात छोरा र २ छोरीका बुबा आमा बृद्धाश्रममा

५ कात्तिक, धनकुटा । सात छोरा र दुई छोरी भएर पनि ८६ बर्षका माधबप्रसाद गौतमलाई दशैंको रौनकले छोएको छैन् । बृद्धाश्रमको दैनिकी र नियमित पाठपूजामै सीमित गौतमलाई दशैंको उल्लास के हो थाहा छैन् ।

विराटनग-१५ भर भएका गौतम मूलघाटस्थित विश्रान्ति वृद्धाश्रममा बस्दै आएका छन् । पत्नी देवीका साथ रहेका उनी दशैं लगायत चाडपर्वमा विगतको स्मरण गर्दै उनी आफन्तजनसँग टाढिनुपर्दाको क्षमणमा निक्कै भावुक हुने गरेका छन् । छोरा छोरी राजधानी, विराटनगरमा राम्रै हैसियतमा बस्दै आएको भएपनि आफुहरु वृद्धाश्रममा बस्नुपर्दाको पीडा दुःखद रहेको उनीहरुको भनाई छ । ‘परिवारको समस्याले वृद्धाश्रमको बास गरायो, अरुवेला ठीकै भएपनि चाडपर्वका बेला पहिलेको यादले सताउँदो रैछ,’ गौतमले भने ।

ठूला जागिरे र व्यवसायी बनेका आफ्ना सन्तान आफुबाट बेखबर बनेको भन्दै उनले आँखाभरी आँसु पारे । परिवारले आफुलाई बोझ ठानी उपेक्षा गरेर वृद्धाश्रममा बस्नुपरेको बाध्यता सुनाउँदा उनमा दुःख, पीडा, आक्रोश र चिच्याहट देखिएको खबर कान्तिपुर दैनिकले छापेको छ ।

गौतम दम्पत्ती जस्तै धेरै वृद्धवृद्धा अन्य समयमा सामान्य रुपमा खुसी हुन सकेपनि चाडपर्वको बेला परिवार, आफ्ना सन्तान, विगतमा आफुहरुले मनाएको चाड लगायतले सताएको भन्दै भावविवल हुने गरेका छन् ।