नायिका झरना थापा ढुकुटी काण्डमा फसिन् (फोटो तथा भिडियोसहित)
नायिका झरना थापा ढुकुटीमा फसेकी छिन् । तर उनी वास्तविक जीवनमा नभई चलचित्रको पर्दामा ढुकुटी काण्डमा फसेकी हुन् । डीके पुन मगरको निर्देशनमा तयार भएको चलचित्र ‘ढुकुटी’ मा झरना थापा, धिरेन शाक्य लगायतका कलाकारले अभिनय गरेका छन् ।रेशम सापकोटाको कथा, पटकथा, संवाद र गीत रहेको यो चलचित्रको निर्माण युनिटले काठमाण्डौमा पत्रकार सम्मेलनको आयोजना गरी सिनेमाको बारेमा जानकारी गराएको हो ।
रनजीत गजमेरको संगीत रहेको चलचित्रमा रोशन श्रेष्ठको द्वन्द्व, शिव वीकको नृत्य, यम आलेको छायांकन, मित्रदेव गुरुङको सम्पादन छ ।पत्रकार सम्मेलनमा नेपाल चलचित्र निर्माता संघका अध्यक्ष राजकुमार राई, चलचित्र पत्रकार संघका अध्यक्ष विदुर गिरी, चलचित्र निर्देशक समाजका अध्यक्ष दिनेश डीसी अतिथीको रुपमा उपस्थित थिए ।
कार्यक्रममा चलचित्र पत्रकारहरुलाई मायाको चिनो स्वरुप ढुकुटी लेखिएको टिसर्ट पनि प्रदान गरिएको थियो ।चलचित्र ‘ढुकुटी’ सामाजिक गर्जो टार्ने पवित्र पेशाको निहुमा देखिएको ठगी विरुद्ध प्रतिकात्मक आवाज रहेको निर्देशक मगरले जानकारी दिए । कार्यक्रममा नायिका झरना थापा केही ढिला आइपुगेकी थिइन् । उनले थुप्रै काम सकेर आउँदा ढिलो भएको जानकारी गराइन् ।
पुरा भिडियो हेर्न तलको बक्समा क्लिक गर्नु होला
विदेशी मुद्रालाई नेपाली रुपैयाँमा र नेपाली रुपैयाँलाई विदेशी मुद्रामा परिवर्तन गरौं