युएईमा पाकिस्तानी नागरिकको कुटाइबाट १ वर्ष देखी अचेत अवस्थामा रहेका नेपालीको मृत्यु
उमाकान्त पाण्डे 'गाउंले', अबुधाबी - संयुक्त अरब एमिरेट्स युएईको अबुधाबीमा सन् २०१२ मे को ४ तारिक भएको घटनामा परि घाइते भएका एक नेपालीको उपचारको क्रममा मृत्यु भएको छ । घटनामा घाइते भएका अर्का एक नेपाली उपचार पछि घर बिदामा नेपाल फर्केका छन् ।
बिगत दुइ वर्ष देखि संयुक्त अरब एमिरेट्स युएईको अबुधाबी स्थित गोल्डेन स्पाइक एन्ड व्हेत इस्त बेकरीज कम्पनीमा सेल्स म्यान पदमा कार्यरत बाग्लुङ जिल्ला बोङ्गादोभान गाबिस वार्ड नम्बर ८ का ३० वर्षीय लोक बहादुर घर्ती मगरको अचेत अवस्थामा आबुधाबी स्थित माफ्रक सरकारी अस्पतालमा उपचार क्रममा गत ११ अप्रिल बिहीवार मृत्यु भएको हो ।
संयुक्त अरब एमिरेट्स युएईको अबुधाबी स्थित गोल्डेन स्पाइक एन्ड ह्वाइट इस्ट बेकरीज कम्पनीमा कम्पनीमा कार्यरत बाङ्गादोभान ८ का ३० वर्षिय लोक बहादुर घर्ती मगरको मृत्यु भएको हो । उनको आबुधाबी स्थित मार्फक सरकारी अस्पतालमा उपचार गर्दैगर्दा मृत्यु भएको हो ।
कम्पनीमा सेल्स म्यान पदमा कार्यरत मगरलाई पाकिस्तानी नागरिकले आक्रमण गरेका थिए । नेपाली र पाकिस्तानी नागरिक बीच क्रिकेट खेलमा भएको सामान्य झगडाले उग्र रुप लिँदा भएको दुर्घटनामा परि बाग्लुङका लोक बहादुर घर्ती मगर र म्याग्दीका लालबहादुर विक र अर्का एक नेपाली घाइते भएका थिए ।
अचेत अवस्थामा रहेका लोकबहादुरको उपचारको क्रममा अप्रिल ११ गते बिहीवार अबुधाबीमा ज्यान गएको हो । त्यस्तै घटनामा घाइते भएका म्याग्दीका लाल बहादुर विक र अर्का एक नेपाली उपचार पछि घर बिदामा नेपाल फर्केका छन् ।
ती नेपालीलाई आक्रमण गरेको आरोपमा १० पाकिस्तानी नागरिकलाई पक्राउ गरि हिरासतमा राखेको उनीहरु कार्यरत कम्पनीले जनाएको छ ।
नेपाली र पाकिस्तानी नागरिक बीच क्रिकेट खेलमा सामान्य झगडा भएको र सोही झगडाले उग्ररुप लिँदा पाकिस्तानी नागरिकले क्रिकेट ब्याटले नेपालीको टाउकोमा आक्रमण गरेका थिए । आक्रमणबाट लोकबहादुरलाई टाउको र छातीमा चोट लागेको थियो भने लालबहादुर विकलाई हातमा सामान्य चोट लागेको थियो ।
मृतक मगरको शब कम्पनीमा कार्यरत अर्का नेपाली ईन्द्र श्रेष्ठको जिम्मा लगाएर पठाउने तयारी भए पनि कानुनी प्रकृया अझै पुरा नभएकोले शब पठाउन ढिला हुन सक्ने कम्पनीमै कार्यरत मृतका मामा किरण बुढा मगरले जानकारी दिएका छन् ।
घाइते भई अस्पतालमा अचेत अवस्थामा उपचार्थ मगरको घरको आर्थिक स्थिती नाजुक भएको तथा कानुनी प्रकृयामा दुतावस सगं समन्ययव गरेर शबलाई नेपाल पठाउन सहयोग गरिदिन युएईमा रहेका सम्पूर्ण संघसंस्थाहरुलाई पीडित परिवारले अनुरोध गरेको छ ।
नेपाली राजदूतावास अबुधावीको तथ्याङ्क अनुसार जनवरी २०१३ देखि २३ अप्रिलसम्ममा १९ जना नेपाली कामदारहरुको मृत्यु भएको छ । जसमा हत्यामा १ जना, सडक दुर्घटनामा ७ जना, आत्महत्यामा २ जना र सामान्य अवस्थामा ९ जनाको मृत्यु भएको हो ।
विदेशी मुद्रालाई नेपाली रुपैयाँमा र नेपाली रुपैयाँलाई विदेशी मुद्रामा परिवर्तन गरौं