पर्साको धोरेमा भीषण आगलागी, सय भन्दा बढी घर जलेर नष्ट
३१ चैत, वीरगञ्ज । पर्साको धोरे गाविसमा शनिबार दिउँसो भीषण आगलागी भएको छ । आगलागीमा परि धोरे गाविसको वडा नम्बर एक, दुई, तीन र नौ गरि चार वटा वडाका करिब एक सय भन्दा बढी फुसको घर जलेर नष्ट भएको छ । आगोले जलेर केही व्याक्ति घाइते समेत भएका छन ।
धोरे गाविस वडा नम्बर २ का रामानन्द सहनीको घरमा माछा पोल्न बालिएको आगोबाट आगलागी सुरु भएको थियो । आगलागीमा परि स्थानीय मोतीलाल पटहेरा, हिरालाल पटेहरा, जयराम ठाकुर, असर्फी राम, हरिकिसनु ठाकुर, चन्द्रवीर राम, मुनिलाल राम, लगायत एक सय जनाको फुसको घर जलेर नष्ट भएको हो ।
दिउँसो १ बजेदेखि शुरु भएको आगो नियन्त्रणमा लिन पाँच ओटा बारुण यन्त्रको सहयोगमा नेपाल प्रहरी, शसस्त्र प्रहरी र स्थानीयवासी जुटेका छन् । हावाहुरी चलेका कारण आगो नियन्त्रणमा कठिनाई भएको प्रहरीले जनाएको छ ।
बाराको हरिहरपुर १ गंगानगरमा पनि शनिबार दिउँसो आगलागी हुदा ५ वटा घर जलेर नष्ट भएको छ । आगलागीमा स्थानीय चेतलाल प्रसाद यादव, पल्टु प्रसाद यादव र जमीरी यादवको गरि पाँच ओटा घर जलेर नष्ट हुदा करिब १० लाख रुपैयाँ बराबरको क्षति भएको छ ।
आगोले जलेर चेतलाल यादवकी श्रीमती सन्झारी दवी घाइते हुनु भएको छ । घाइते सन्झारी देवीको सिम्रौनगढमा उपचार भइरहेको छ । प्रहरी र स्थानीयवासीको सहयोगमा आगो नियन्त्रणमा लिइएको इलाका प्रहरी कार्यालय सिम्रौनगढले जनाएको छ ।
विदेशी मुद्रालाई नेपाली रुपैयाँमा र नेपाली रुपैयाँलाई विदेशी मुद्रामा परिवर्तन गरौं