प्रदर्शन मिति नजिकिदै जादा चलचित्र ‘नतिजा’ को युनिटले एक गीत सार्वजनिक गरेको छ चलचित्रका नायक स्वेत मानन्धर र नायिका हर्षिका श्रेष्ठले नृत्य गरेको उत्तेजक गीत सार्वजनिक गरिएको हो ।

प्रमोद भण्डारीको निर्देशनमा तयार भएको यो चलचित्र फागुन १८ गतेबाट देशभरका हलमा प्रदर्शनमा आउने तयारीमा छ । माघको जाडोमा हर्षिकाले पानिमा रुझ्दै आफ्नो जवानीलाई खुलेरै प्रदर्शन गरेकी छिन् । चलचित्रमा विशाल पोखरेलको पनि अभिनय छ । चलचित्रमा प्रल्हादभक्तका शब्द तथा संगीत समावेश छ । युवापुस्तामा बढ्दै गएको स्वतन्त्रता र यसले निम्त्याउने विकृतीलाई सिनेमाले उठान गरेको छ । ‘रुकन यो रात’ बोलको गीतमा हर्षिका र स्वेतले खुलेरै रोमान्स गरेका छन् ।