२२ पुस, सोलुखुम्बु । सोलुखुम्बुको गुदेलमा चार वर्षकी बालिका बलात्कारमा परेकी छन् । स्थानीय वर्ष १६ का जसकुमार राईले बलात्कार गरेको पीडितका आफन्तजनले बताएका छन् ।

प्रहरीले पीडक राईलाई हिरासतमा राखेर अनुसन्धान गरिरहेको छ । पीडित बालिकालाई सदरमुकाममा ल्याइँदै गरेको र उनका आफन्तले जाहेरी दिइनसकेका कारण अहिले घटना छानबिनकै क्रममा रहेको प्रहरी नायव उपरीक्षक सुदनसिंह बस्नेतले जानकारी दिनुभयो । उहाँका अनुसार मुद्दा भोलि अदालतमा दर्ता गरिनेछ । जसकुमारले पुस १९ गते बिहान गोठबाट फर्किरहेकी बालिकालाई आफ्नै घरमा लगेर बलात्कार गरेको बताइएको छ । पीडकलाई प्रहरीले पक्राउ गरी जिल्ला प्रहरी कार्यालय ल्याएको थियो । रासस