विक्रमसंवत् २०७० साल आषाढ १९ गते बुधबार, ईश्वीसन् २०१३ जुलाई ०३, नेपाल संवत् ११३३,



आज स्मार्तानां कृते योगिनी एकादशी व्रत, आषाढ कृष्णपक्ष (तछलागा), एकादशी तिथि, भोलि बिहान ४ बजेर १६ मिनेटसम्म, त्यसपछि द्वादशी तिथि, चन्द्रमा मेष राशीमा, भोलि बिहान ४ बजेर ५२ मिनेटसम्म, त्यसपछि बृष राशीमा, भरणी नक्षत्र बेलुका १० बजेर २६ मिनेटसम्म, त्यसपछि कृतिका नक्षत्र, धृति योग मध्यरात्रीपछि २ बजेर ५८ मिनेटसम्म, त्यसपछि शूल योग, बब करण दिउँसो ३ बजेर ४४ मिनेटसम्म त्यसपछि बालब करण,



राहुकाल दिउँसो ११ बजेर ५९ मिनेटदेखि १ बजेर ४३ मिनेटसम्म, काल बारबेला बिहान ८ बजेर ३३ मिनेटदेखि १० बजेर १६ मिनेटसम्म, रोग बारबेला दिउँसो ११ बजेर ५९ मिनेटदेखि १ बजेर ४३ मिनेटसम्म ।







मेष (चु, चे, चो, ला, लि, लु, ले, लो, अ) –



आज विदेश यात्रा गर्ने योजनामा लाग्ने समय हो, प्रयास अनुकूल हुने समय आएको छ । अन्न फलफूल आदि कृषिजन्य व्यवसायबाट राम्रो आर्थिक उपार्जन हुने योग छ । सन्तानपक्षको फल पनि राम्रै देखिन्छ । खेलकुदतिर बढी नै सफलता मिल्ला । धैर्यता लिनुहोला ।



बृष (इ, उ, ए, ओ, बा, बि, बु, बे, बो) –



खराब समय छ । मानप्रतिष्ठा र सामाजिक मर्यादामा आँच आउने सम्भावना छ । यात्राको योग छ । घरपरिवारबाट पनि यात्राको लागि आवश्यक सहयोग मिल्ने छ । तपाईंको कडा परिश्रम व्यर्थै खेर जान सक्छ । हाकिम, मातापिता वा विशिष्ट व्यक्तिसँग वादविवाद पर्न सक्छ ।



मिथुन (का, कि, कु, घ, ङ, छ, के, को, ह) –



व्यवसायिक क्षेत्र सफल रहने छ, आम्दानीमा कमी आउने छैन । झैझगडामा अघि नसर्नु नै बेस होला । बोली एवं व्यवहारमा सक्दो नियन्त्रण राख्नु उचित हुनेछ । परोपकार र धार्मिक क्षेत्रमा लगानी गरेमा राम्रो हुनेछ । पारिवारिक जीवन सामान्य र सन्तोषप्रद रहने छ ।



कर्कट (हि, हु, हे, हो, डा, डि, डु, डे, डो) –



अध्ययन, अध्यापन र लेखनको कार्यमा खासै तत्परता देखिँदैन । प्रेम सम्बन्धमा तिक्तता आउने योग छ । सन्तानको पक्षबाट आवश्यक सहयोग मिल्ने देखिन्न । शुभ समाचार प्राप्त हुनाले मन फुरुङ्ग हुनेछ । शुभ कुराको संकेत मिल्नेछ । सामाजिक सभासमारोहमा भाग लिनु पर्नेछ ।



सिंह (मा, मि, मु, मे, मो, टा, टि, टु, टे) –



हिजोआज राम्रै समय चल्दैछ । व्यापारिक वा दैनिक कामहरू सन्तोषजनक ढङ्गले सम्पन्न हुनेछन् । खानपिनका परिकार प्राप्त हुने र विशेष यज्ञयागादि तथा धार्मिक कृत्यमा सहभागी हुनु पर्नेछ । दानदक्षिणा सरसहयोग गर्दा धनखर्च हुने योग छ । शुभ कुराको संकेत मिल्नेछ ।



कन्या (टो, प, पि, पु, ष, ण, ठ, पे, पो) –



समय राम्रो छैन । शरीरमा आलस्य र थकानको अनुभव हुनेछ । धन, धर्म र भाग्यमा हानी पुग्ने सम्भावना छ । गर्नु नपर्ने काम पनि बढी समय लगाएर गर्नु पर्ला । अप्रिय समाचार सुन्नु पर्दा मन खिन्न हुने स्थिति आउने छ । तपार्इंको व्यक्तिगत दृष्टिकोण उल्टो हुने देखिन्छ ।



तुला (र, रि, रु, रे, रो, ता, ति, तु, ते) –



विवाहितको दाम्पत्य जीवन असल हुनेछ भने अविवाहितका लागि कसैले नयाँ सम्बन्धको प्रस्ताव आउन सक्छ । छलफल, वादविवाद र झैझगडामा आफ्नो जीत हुनेछ । उपहार र चिट्ठा सम्भावना पनि छ । पारिवारिक जीवन सामान्य र सन्तोषप्रद रहने छ ।



बृश्चिक (तो, ना, नि, नु, ने, नो, या, यि, यु) –



चालु पेशा वा व्यवसायका अप्ठ्यारा र असजिला पक्षको चिन्तनमा एकाबिहानै मन रुमल्लिने छ । समय केही उल्झन पूर्ण देखिन्छ । पढाइलेखाइमा जाँगर चल्दैन । उता आर्थिक र वित्तीय क्षेत्रका मानिसले आज चिताएभन्दा बढी कमाउने योग छ । साँस्कृतिक कार्यक्रममा सहभागी हुनुपर्ला ।



धनु (ये, यो, भ, भि, भु, ध, फा, ढ, भे) –



विद्यार्थीका लागि आफुले आफ्नो क्षमता प्रदर्शन गरी स्याबासी पाउने दिन हो, आज । कुनै भौतिक सुविधाको दीर्घकालिक जोहो हुने सम्भावना छ । बेलुका अनावश्यक कुरामा विवाद हुने र अपजस मिल्ने सम्भावना पनि छ । पारिवारिक जीवन सामान्य र सन्तोषप्रद रहने छ ।



मकर (भो, ज, जि, खि, खु, खे, खो, गा, गि) –



मनमा अशान्ति र छटपटी व्याप्त हुने छ । अध्ययन, अध्यापनको कार्यमा खासै तत्परता देखिँदैन । प्रेम सम्बन्धमा तिक्तता आउने योग छ । कसैसँग व्यर्थमा वादविवाद गर्नु पर्ला । गर्नु नपर्ने कामबाट जोगिने बेला हो, गर्न बाँकी काम पनि आजलाई थाती राख्नु नै बेस हुनेछ ।



कुम्भ (गु, गे, गो, सा, सि, सु, से, सो, द) –



यात्रा गर्ने सम्भावना छ । चिताएको काममा सफलता पाउनु हुनेछ । साथीभाइसित भेटघाट हुनुका साथै मनोरंजनात्मक काममा पनि संलग्न हुने अवसर जुट्ने छ । पाचनप्रणालीमा गडबड भई स्वास्थ्य प्रतिकुल हुन सक्छ । पारिवारिक जीवन सामान्य र सन्तोषप्रद रहने छ ।



मीन (दि, दु, थ, झ, ञ, दे, दो, च, चि) –



असल समय छ । भाइबहिनी वा सन्ततिका तर्फबाट खुशीको खबर प्राप्त हुने छ । माया प्रेमको लागि रमाइलो छ । विपरीतलिङ्गीबाट आवश्यक सहयोग मिल्नेछ । विपरीतलिङ्गी सहयात्रीबाट प्राप्त सल्लाहबाट गरिएको कामबाट फाइदा हुनेछ । आत्मबल बढ्ने बेला छ ।