National News » नेपालमा ६००० तिब्बती भारतीय सेना रहेको खुलासा

---

काठमाण्डौं, असार १७, विकिलिक्सले सार्वजनिक गरेको एक केवलमा तिब्बती मुद्दाका कारण नेपालको सार्वभौमसत्ता कसरी खतरामा परेको छ भन्ने तथ्य सार्वजनिक भएको छ । अन्नपूर्ण पोष्टमा प्रकाशित एक समाचार अनुसार विकिलिक्सले सन् २०१० फेब्रुअरी ११ का दिन सार्वजनिक गरेको एक केबलमा नेपाल तिब्बती सीमामा ६ हजार तिब्बती भारतीय सेना रहेकेा उल्लेख गरिएको छ ।



विकिलिक्सले सार्वजनिक गरेको उक्त केबल नयाँदिल्लीस्थित अमेरिकी दूतावासले धर्मशालामा तिब्बती नेताहरुसँग गरेको छलफलका आधारमा अमेरिकाको वासिङटन डीसी पठाएको थियो । समाचार अनुसार तत्कालीन अमेरिकी राजदूत टिमोथी जोन रोएमरले तिब्बती निर्वासित संसद सदस्य तथा भ्वाइस अफ द तिब्बत रेडियोका सम्पादक कर्मा यसीलाई उद्धृत गर्दै लेखिए अनुसार अहिले भारतीय सेना अन्तर्गत करिब ६००० तिब्बतीहरू तिब्बत-नेपाल सीमामा कार्यरत रहेको कुरा समाचारमा उल्लेख गरिएको छ ।