Crime » यौन शोषणको अभियोगमा पूर्व सभासद मियाँ पुर्पक्षका लागि जेल चलान

---

पोखरा, जेष्ठ २८ । आफ्नै घरमा काम गर्न राखेकी बालिकालाई यौन शोषण गरेको अभियोगमा पूर्व सभासद तथा एकीकृत नेकपा माओवादीका नेता सफिक मियाँलाई पुर्पक्षका लागि जेल चलान गरिएको छ । बालिकालाई यौन शोषण गरेको आरोप लागेपछि गत कार्तिकबाट फरार रहेका मियाँ आज जिल्ला अदालत कास्कीमा म्याद बुझ्न गएका थिए ।



मियासँग बयान लिए लगत्तै जिल्ला अदालत कास्कीका न्यायाधीश बालमुकुन्द दवाडीको एकल इजलासले उनलाई पुर्पक्षका लागि थुनामा राख्न आदेश दिएको अदालतका श्रेष्तेदार बासुदेव न्यौपानेले हामीलाई जानकारी दिए ।

गत कार्तिकमा जिल्ला प्रहरी कार्यालय कास्कीमा बालिकाकी आमाले पूर्व सभासद मियाँविरुद्ध उजुरी दिएकी थिइन् । यौन शोषणबाट पीडित बनेकी बालिकाको प्रहरीले मियाँकै घरबाट उद्दार गरेको थियो ।

पीडित बालिकाले अरुलाई भनेमा ज्यान लिने धम्की दिँदै पूर्वसभासद मियाँले यौन शोषण गरेको वयान दिएकी छिन् ।