National News » बलात्कार गर्ने दुई भारतीय पक्राउ

---

१९ वैशाख, कैलाली । कैलालीमा बालिकालाई बलात्कार गरेको अभियोगमा प्रहरीले दुई भारतीय नागरिकलाई पक्राउ गरेको छ ।



जिल्ला प्रहरी कार्यालयका अनुसार, कैलालीको सीमावर्ती रतनपुर गाविसकी एक १४ वर्षकी बालिकालाई बलात्कार गर्ने भारत लखिमपुरका २६ वर्षका कैलाश चौधरीलाई पक्राउ गरिएको हो ।

सीमा क्षेत्रको मोहना नदी किनारको जङ्गलमा चौधरीले बालिकालाई वैशाख १४ गते बलात्कार गरेको प्रहरीले आज जनाएको छ ।

यस्तै गेटा गाविसकी ६वर्षकी एक बालिकामाथि घरमा कोही नभएको मौका छोपी बलात्कार गरेको आरोपमा भारत हरियाणाका ५० वर्षका निर्मल भङ्गीलाई बुधबार प्रहरीले पक्राउ गरेको हो । रासस