National News » आजबाट हनुमानढोकास्थित ढुकुटीमा भेटिएको गरगहनाको लगत राख्न शुरु

---

एक महिनाअघि पहिलो पटक खोलिएको हनुमानढोकास्थित ढुकुटीमा भेटिएको गरगहना आजबाट संकलन र लगत राख्न शुरु गरिने भएको छ ।



पुरातत्व विभागका महानिर्देशक भेषनारायण दाहालको संयोजकत्वमा गठित समितिले कडा सुरक्षाको घेराभित्र काम शुरु गर्ने भएको हो । सो ढुकुटीमा रहेको सम्पूर्ण गहनाको लगत संकल नगरेसम्म दैनिक ४ घण्टा काम गरिरहने बताइएको छ ।

आज बिहान ११ बजे बैठक बसेपछि ढुकुटी खोलिने र लगत राख्ने काम शुरु गरिनेछ । ढुकुटीभित्रबाट निकालिएका सम्पूर्ण गहनाहरुको लगत संकलन र सफा गरेर दैनिक रुपमा नेपाली सेनाको रोहवरमा ढुकुटीमै राखिने बताइएको छ ।