Entertainment, Videos » अष्ट्रेलियामा जीवनको भिडियो (भिडियो)

---

वि.सं २०६९ सालमा सफल सिनेमा दिएपछि नायक जीवन लुइटेलको चर्चा बजारमा एकाएक चुलिएको छ । जीवन यतिबेला नेपाली सिने नगरीका सफल र लामो रेशका घोडाको रुपमा हेरिएका नायकको रुपमा चित्रित छन् । जीवनले अभिनय गरेका अधिकांश चलचित्रका गीतसंगीत पनि उत्कृष्ट नै हुने गर्दछन् ।उनै नायका लुइटेल बेलाबखत अष्ट्रेलिया पनि पुग्ने गर्छन् । अन्य समयमा चलचित्रको शो गरेर र्फकने जीवनले म्यूजिक भिडियोमा पनि अभिनय गर्न भ्याएका छन् । राजकुमार गोश्वामीको आवाजमा समावेश ‘दोष न तिम्रो न मेरो’ बोलको भिडियोमा जीवनले अभिनय गरेका हुन् । उनका साथमा भिडियोमा अष्ट्रेलियमा रहँदै आएकी सुभांगिनी कोइरालाले अभिनय गरेकी छिन् ।



दिपेश पुनको निर्देशनमा तयार भएको यो भिडियोलाई सन्तोष गुरुङ र निर्देशक पुनले खिचेका हुन् । ‘कोशिश’ एल्बमबाट लिइएको यो गीतको रचना रजनी शाहले गरेकी हुन् । गीतको शब्द, स्वरका साथै भिडियोको छायांकन पनि उत्कृष्ट रहेको प्रतिक्रिया दर्शकले दिएको नायक तथा मोडल जीवन लुइटेलले दिएका छन् ।