National News » रात्रीबस लुटियो, ४० यात्रूको रुवावासी

---

२ बैशाख , सर्लाही । गए राती सर्लाहीमा लुटेराको समुहले एक रात्रीबसमा लाखौ लुटपाट गरेको छ । राती साढे १२ बजे पुर्वपश्चिम लोकमार्गको रानीगंजमा पुर्व हिडेको मुगल यातायातको ना ३ ख ८० ८६ नम्वर बसका यात्रु लुटिएका प्रहरीले वताएको छ । पेश्तोल र खुकुरी वोकेको लुटेरा समुहले वसका यात्रुवाट सुन, चादी, मोवाइल सेट र ५ लाख ६० हजार नगद सहित १३ लाख वरावरको धनमाल लुटेको छ । बसमा करिव ४० जना यात्रु थिए । प्राय सवै यात्रुहरु लुटेराहरुबाट लुटिएका थिए । नेपाल प्रहरी र शसस्त्र प्रहरीले राती देखि लुटेराको खोजी गरिरहेको जनाइएको छ ।