Entertainment » सुन्तलीको भूमिकामा प्रियंका आउने

---

हालै भिजिलान्ते बनेर पर्दामा छाएकी नायिका प्रियंका कार्कीले सुन्तलीको भुमिका निभाउने भएकी छिन् । अहिलेसम्म ग्ल्यामरस भूमिकामा देखिँदै आएकी प्रियंका गाउँकी चञ्चले केटीको रुपमा देखिने भएकी हुन् ।



सुन्तलीको भूमिका निभाउने उक्त चलचित्रको नाम पनि 'सुन्तली' नै तय गरिएको छ । भाष्कर ढुङ्गानाले निर्देशन गर्ने सुन्तलीका लागि अन्य क्यारेक्टरहरु भने छनोटको क्रममा नै रहेको छ । ढुङ्गानाले यस अघि 'कागबेनी' र 'सानो संसा'र निर्देशन गरिसकेका छन् ।

फिल्म भित्रको सबै कलाकारको छनोट प्रक्रिया सकिए पछि बैशाखको दोस्रो हप्तादेखि सुन्तली फ्लोरमा जाने निर्देशक ढुङ्गानाले बताएका छन् । पछिल्लो समयमा निकै व्यस्त रहेकी प्रियंकाले अभिनय गरेको फिल्मले सोचे जस्तो सफलता नपाएपनि उनको हातमा भने लगातार सिनेमा परिरहेकै छ ।

सुन्तलीको लागि गाउँले क्यारेक्टर भएकाले त्यही अनुरुप अभ्यास गरिरहेको प्रियंकाले बताएकी छिन् ।