बिहेको इन्गेजमेन्ट भएलगत्तै अस्पतालमा जँचाउन जाँदा स्तन क्यान्सर भएको थाहा पाएपछि ३० वर्षीया अमिता महर्जनका दिनरात तनावमा बिते। तर, चिकित्सकसँगको सरसल्लाहपछि श्रीमान् बुद्धको साथले ढुक्क भएकी महर्जन यतिबेला स्तन क्यान्सरबाट पूर्ण निको भएकोमा मख्ख छिन्। दुई वर्षअघि स्तन क्यान्सरबाट पीडित भएको सुनाउँदा दिक्क मान्ने महर्जन अहिले रोग निको पारेको अनुभव बाँड्दा प्रफुल्ल छिन्। ‘बायाँ स्तनमा सानो गिर्खा आएको थियो,' महर्जनले दुई वर्षअघिको आफ्नो शारीरिक अवस्था वयान गरिन्, 'स्तन क्यान्सर होला भन्ने कल्पना पनि गरेकी थिइनँ।'



बोसे तन्तु र ग्रन्थी मिलेर बनेको स्तनमा क्यान्सर हुने क्रम बढेको चिकित्सकहरू बताउँछन्। ग्रन्थी वा दूधको नलीमा क्यान्सर उत्पादन हुने गर्छ। नेसनल क्यान्सर अस्पतालका निर्देशक एवं वरिष्ठ क्यान्सर रोग विशेषज्ञ डा. एमके पियाका अनुसार ग्रन्थीबाट उत्पन्न हुने क्यान्सरलाई लोवर कार्सिनोमा भनिन्छ। तर, दूधको नलीबाट भएको क्यान्सरलाई मेडिकल भाषामा डक्टल कार्सिनोमा भनिन्छ। स्तनको कुनै भागबाट सुरु भएको क्यान्सर स्तनको चारैतिर फैलन सक्ने डा. पिया बताउँछन्। वंशानुगत कारणबाट पनि हुने भएकाले परिवारका सबै सदस्यलाई स्तन क्यान्सर हुन सक्छ। तीस वर्षपछि बच्चा जन्माउने महिला र लामो समयसम्म बच्चा नजन्माएका महिलालाई पनि स्तन क्यान्सरको खतरा हुने सर्जिकल अन्कोलोजिस्ट डा. कपेन्द्र शेखर अमात्य बताउँछन्। स्तनमा पहिलेदेखि गाँठागुठी भएका महिला, चाँडै महिनावारी सुरु भएको वा ढिला महिनावारी बन्द भएका महिलालाई पनि स्तन क्यान्सरको खतरा हुन्छ। त्यस्तै, अविवाहित प्रौढ महिला तथा धेरै मोटी महिला, चिल्लो तथा बोसोयुक्त खानेकुरा धेरै खाने महिला र सुर्तीजन्य पदार्थको सेवन गर्ने महिलामा पनि स्तन क्यान्सरको खतरा हुने क्यान्सर रोग विशेषज्ञ बताउँछन्। स्तन क्यान्सरको लक्षणका रूपमा स्तनको आकार परिवर्तन हुने, स्तनमा गिर्खा फेला पर्नेजस्ता लक्षण सुरुमा देखा पर्न सक्छन्। कहिलेकाहीँ स्तनवरिपरिको छाला परिवर्तन भई चाउरी पर्ने हुन सक्छ। समयमै उपचार नगर्ने हो भने स्तनको मुन्टोबाट रगत पिप मिसिएको दूध आउने र स्तनमा लामो समयमसम्म निको नहुने घाउ हुने वरिष्ठ क्यान्सर रोग विशेषज्ञ डा. पियाको कथन छ। स्तनमा गिर्खा भेटिएपछि सर्जन /अन्कोलोजिस्टले स्तनको गिर्खाबाट सानो सुई राखेर केही कोषिका निकालेर वा सानो शल्यक्रिया गरेर त्यसबाट कोष तथा तन्तु निकालेर प्याथोलोजीमा परीक्षणका लागि पठाउँछन्। प्याथोलोजिस्टले परीक्षण गरेपछि मात्र क्यान्सर भए /नभएको थाहा हुन्छ। क्यान्सर भएको प्रमाणित भएपछि सर्जन वा अन्कोलोजिस्टले अन्य जाँचका लागि सल्लाह दिने गर्छन्। समयमा विवाह गरी बच्चा जन्माउने युवतीलाई स्तन क्यान्सरको खतरा न्यून हुने चिकित्सकहरू बताउँछन्। बच्चालाई स्तनपान नगराउने महिलालाई स्तन क्यान्सरको जोखिम हुने डा. पियाको भनाइ छ। नियमित व्यायाम गरी मोटोपन घटाउने र सुर्तीजन्य पदार्थको सेवन नगर्ने हो भने पनि स्तन क्यान्सरबाट जोगिन सकिन्छ। स्तन क्यान्सरबाट पुरुषहरू पनि पीडित भए पनि महिलालाई बढी सताउने गरेको छ। सुरुकै चरणमा पत्ता लगाउनसके राम्रो उपचार गर्न सकिने क्यान्सर रोग विशेषज्ञ डा. पिया बताउँछन्। नियमित स्तनको जाँच र मेमोग्राम गराउनु नै स्तन क्यान्सरबाट बच्ने उपाय हो। चालिस वर्षमुनिका महिलाले स्तनको अल्ट्रासाउन्ड गराउने र ४० वर्ष नाघेका महिलाले मेमोग्रामबाट परीक्षण गराउनु उपयुक्त हुने डा. पियाको सल्लाह छ। स्तन क्यान्सर पारिवारिक क्यान्सर भएकाले परिवारका सदस्यलाई स्तन क्यान्सर भएको छ भने अन्य सदस्यले पनि परीक्षण गराउनु जरुरी भएको डा. पिया बताउँछन्।

निर्मल घिमिरे, बर्दिया, फागुन १८ - नेपालसँग सीमा जोडिएको भारतको मुर्तिहा कतरनिया जंगलमा पस्ने नेपाली दाउरेलाई त्यहाँका सुरक्षाकर्मीले बेपत्ता पार्न थालेका छन्। दुई वर्षमा भारतको जंगलमा घाँस, दाउरा गर्न जंगल भित्र पस्ने दुई नेपालीलाई सुरक्षाकर्मीले बेपत्ता पारेका छन्। पछिल्लो पटक १२ गते मुर्तिहा जंगलमा दाउरा बटुल्न गएका आशापुरका ४६ वर्षे राममिलन लोधलाई भारतीय सुरक्षाकर्मीले गायब पारेका छन्। छ जनासँग गएका उनी सुरक्षाकर्मीको गोली लागेर घाइते भएका थिए। राममिलनको अबस्था थाहा नपाउँदा उनको गाउँ चिन्तित छ। साथीको अबस्था पत्ता लाउन स्थानीय प्रहरीलाई पहल गरिदिन गाउँलेले अनुरोध गरेका छन्। १२ गते ११ बजे बिहान दाउरा बटुल्न गएका राधेशाम लोध, राममिलन लोध, प्रेम सागर लोध, अमृत लाल लोध, दिन दयाल बर्मा र सुकाई लोधमाथि सुरक्षाकर्मीले गोली प्रहार गरेका थिए। सुरक्षाकर्मीले दाउरा बटुल्ने क्रममा गोली चलाएको घाइते राधेश्याम लोधले बताए। ‘मोटरसाइकलमा आएका दुई जना वन सुरक्षाकर्मीले हामीलाई देख्न बित्तिकै बन्दुक पडकाए,' उनले नागरिकसँग भने,‘गोली लाग्ने बित्तिकै म लगायत अरु भाग्यौँ। सँगै अरु पनि भागे।' उनका अनुसार गोली लागेका राममिलनलाई सुरक्षाकर्मीले नियन्त्रणमा लिएका थिए । सधै जंगल जाँदा केहि नगर्ने सुरक्षाकर्मीले त्यो दिन गोली चलाएको उनले सुनाए। ‘पहिला वनमा भेटाए पनि बाटो खन्न, सुरक्षा क्याम्प सफा गर्न लगाउँथे। त्यो दिन एक्कासी गोली लाग्यो,' उनले भने। सीमामा जग्गा जमिन भएकाले गाउँलेहरु सधै जंगल जाने गरेको उनले बताए। पिडितका अनुसार मोटरसाइकलमा सवार वन सुरक्षाकर्मी बंबन मिश्रा र जय प्रकाशले गोली चलाएका थिए।



यस्तै,जमुनि-९ की ५१ वर्षिया जुनकिरी शाही डेढ बर्षदेखि श्रीमानको अबस्थाबारे अनभिज्ञ छन्। उनले भारतीय सुरक्षाकर्मीले बेपत्ता बनाएका श्रीमान हर्कबहादुरको अबस्था थाहा पाउन सकेकी छैनन्। श्रीमानको खोजीमा बाँके, बर्दियाका सरकारी निकाय र मानवअधिकार लगायत सबै ठाउँ पुगेकिछन्। २०६७ फागुन ५ गते दिउँसो साढे ११ बजे शाहीलाई जंगल छेउबाट भारतीय सुरक्षाकर्मीले नियन्त्रणमा लिएका थिए। स्थानीय प्रशासनले पटकपटक पत्राचार गरेपनि अबस्था सार्बजनिक नभएको जिल्ला प्रशासन कार्यालयले जनाएको छ।



वर्षेनि सुरक्षाकर्मीले बेपत्ता पार्न थालेपछि सीमावर्ती गाउँमा बस्ने नेपाली चिन्तित छन्। सुरक्षाकर्मीको ज्यादती सहँदा पनि बिभिन्न बहानामा बेपत्ता पार्न थालेपछि स्थानीय त्रसित भएको राम बहादुर चौधरीले बताए। ‘बेला बेलामा हतियारसहित गाउँमा आएर तर्साउने गर्छन,'उनले भने,‘हाम्रो ज्यानको सुरक्षा भएन।'



स्थानीय प्रहरीले राममीलनको अबस्थाबारे सोध्न खोज्दा भारतीय सुरक्षाकर्मीले अनविज्ञता प्रकट गरेको प्रहरी प्रमुख सुरेश बिक्रम शाहले बताए। ‘नियन्त्रणमा लिएको हो भनेर सोध्दा समेत थाहा छैन भन्छन,'उनले भने,‘कानुन मिचेर जंगल पसेको भए पनि नियन्त्रणमा लिएको भन्नु पर्ने हो।' भारतीय प्रहरीसँग समन्वय गरेर अबस्था सार्बजनिक गर्न अनुरोध गरेको उनले बताए।



सरुवा भएर आउने स्थानीय प्रशासन प्रमुखहरुले भारतीय सुरक्षाकर्मीसँग समन्वय नर्गने भएकाले यस्ता घटना भइरहेको स्थानीयको भनाई छ। ‘तीन तीन महिनामा प्रमुख जिल्ला अधिकारी सरुवा हुन्छ,'उनले भने,‘सीमाबारे बुझनै पाउँदैनन्। गृह नबुझेका प्रमुख जिल्ला अधिकारी आउँछन। त्यसैले सीमामा सुरक्षा चुस्त हुन सकेको छैन।'



परराष्ट्रबाट आएका प्रजिअ मानबहादुर बिकको तीन महिना भए लगत्तै प्रजिअ धुब्रराज जोशी आएका छन्। ‘सीमा क्षेत्रमा हुने अपराधिक क्रियाकलापबारे गृह प्रशासन बुझेको खप्पिस प्रजिअ चाहिन्छ,'एक स्थानीयले भने,‘भारतीय सुरक्षाकर्मी छिटो हेरफेर हुने हुनाले नेपालको बस्तुस्थिति बुझाउन समन्वय गर्न जरुरी छ।' सरुवा भएर आउने प्रजिअ र प्रहरी प्रमुखले भारतीयसुरक्षाकर्मीसँग समन्वय गरेर समाधानको उपाय नखोजेकाले यस्ता घटना भइरहेको स्थानीय बताउँछन्।

श्रोतका अनुसार १२ गते भारतीय सुरक्षाकर्मीको गोलीबाट गम्भिर घाइते राममिलनको उपचार भारतको लखनउँमा भईरहेका छ।

चीन - चीनको हेबेई प्रान्तको एक कोइलाखानीमा विषाक्त ग्यासका कारण ११ जनाको मृत्‍यु भएको छ ।



झाङ्गजियाकोउ शहरको कोईलाखानीमा तातो हावा फाल्ने पंखामा आगो लागेपछि फैलिएको कार्बन मोनाअक्साईड ग्यासका कारण कामदारको मृत्‍यु भएको स्थानीयअधिकारीले जनाएका छन् ।







घटनाका बेला खानीमा १३ जना कामदार रहेकोमा दुई जना अझै हराईरहेका र उनीहरुको खोजी भइरहेको चिनियाँ अधिकारीले बताएका छन् ।

१८ फागुन, काठमाण्डौं । राजनीतिक निकासका लागि छलफलमा जुटेका प्रमुख दलका शीर्ष नेताहरुको बैठक केहीबेर अघि सम्पन्न भएको छ । प्रधानमन्त्री निवास बालुवाटारमा बसेको बैठकमा दलहरुबीच जारी विवाद समाधान गर्ने विषयमा छलफल भएको थियो । प्रमुख दलको बैठकमा दलहरुबीच देखिएका राजनीतिक विवाद र सरकार गठनको प्रक्रियाका बारेमा छलफल भएपछि छलफलको निष्कर्ष के निस्कियो भन्नेबारेमा दलका नेताहरुले कुनै प्रतिक्रिया दिएका छैनन् । बालुवाटारको बैठक सकि नेताहरु राष्ट्रपति भवन शीतल निवास तर्फ लागेका छन् । शीलत निवासमा नेताहरुले आज विहान भर भएको छलफलको बारेमा राष्ट्रपति डा. रामबरण यादबलाई जानकारी गराउने कार्यक्रम रहेको स्रोतले जनाएको छ । दलहरुबीच नागरिकता, मतदाता नामावली, सेना समायोजन अन्तर्गत लडाकुको दर्जा निर्धारण, सत्य निरुपण तथा मेलमिलाप आयोग गठन लगायतका विषयमा सहमति हुन बाँकी रहेको छ । प्रधानन्यायाधीश खिलराज रेग्मीको नेतृत्वमा सहमतिको चुनावी सरकार बनाउने सहमति बने पनि अरु विषयमा विवाद मिलिसकेको छैन

महिला सम्भोगको लागि तयार नभएको अवस्थामा पनि योनी कसिलो हुन्छ। अर्को कारण, पर्याप्त मात्रामा प्राक्क्रीडा नगरेको कारण उत्तेजनामा आउन नसक्दा पनि योनी कसिलो हुन्छ। उक्त बेला योनीमार्गमा पर्याप्त मात्रामा यौन रस पनि निस्केको हुँदैन। यस्तो बेलामा यौन सम्पर्क गर्दा महिलालाई पीडा हुन्छतर, पुरुषहरू चाहिँ कसिलो योनीमा सम्भोग गर्न पाएकोमा गर्व गर्छन्। वास्तवमा योनीमा तनावको कारण संकुचित भएकोले कसिलो भएको भन्ने कुरा बुझ्नु आवश्यक छ। 0 मानिसहरू चरम यौन सन्तुष्टि पाउन अनेक उपाय खोजिरहेका हुन्छन्। कति पुरुष महिलाको योनी कसिलो नभएको कारणले यौन सन्तुष्टि नपाएको कुराले चिन्तित हुने गरेको पाइएको छ। वास्तवमा योनी कसिलो, खुकुलो कस्तो हुनुपर्छ? यसबारे केही चर्चा गरौँ।कसिलो योनी कति पुरुष महिलाको योनीभित्र लिंग पसाउन गाह्रो हुनेगरी कसिलो हुने गरेको अनुभव सुनाउँछन्। महिला सम्भोगको लागि तयार नभएको अवस्थामा पनि योनी कसिलो हुन्छ। अर्को कारण, पर्याप्त मात्रामा प्राक्क्रीडा नगरेको कारण उत्तेजनामा आउन नसक्दा पनि योनी कसिलो हुन्छ। उक्त बेला योनीमार्गमा पर्याप्त मात्रामा यौन रस पनि निस्केको हुँदैन। यस्तो बेलामा यौन सम्पर्क गर्दा महिलालाई पीडा हुन्छ। तर, पुरुषहरू चाहिँ कसिलो योनीमा सम्भोग गर्न पाएकोमा गर्व गर्छन्। वास्तवमा योनीमा तनावको कारण संकुचित भएकोले कसिलो भएको भन्ने कुरा बुझ्नु आवश्यक छ। अतः महिला सम्भोगको लागि पूर्ण रूपमा तयार हुँदा योनी सधँै लचकदार हुन्छ। प्रायः महिलालाई ३० मिनेट जति प्राक्क्रीडाको लागि समय दिनुपर्छ। प्राक्क्रीडा गर्दा प्रेमपूर्ण रूपमा अंकमाल, चुम्बन, शरीरभरि स्पर्श गर्नु आवश्यक हुन्छ। यसो गर्दा महिलाको योनीको तनावपूर्ण संकुचन कम भई योनी लचकदार हुन्छ। यस्तो बेलामा उत्तेजित लिंग पसाउनु राम्रो हुन्छ। समय दिएर प्राक्क्रीडा गरेर योनीमा लिंग पसाउँदा महिलाले साह्रै दुखाइ महसुस गर्छ, सम्भोग गर्न मान्दैन भने भेजिनिसमस भन्ने रोग पनि भएको हुन सक्छ। यस्तो भएमा तुरुन्त यौन रोग विशेषज्ञसँग सल्लाह लिनुपर्छ। खुकुलो योनी महिला उत्तेजनामा आएर सम्भोगमा उत्रँदा प्राकृतिक रूपमा नै योनी लचकदार हुन्छ। जुन बेला योनीको मांसपेशी तनाव नभएर विश्राममा हुन्छ, यस्तो अवस्थालाई पुरुषहरू महिलाको योनी लुज भएको ठानेर कुमारीत्व भंग भएकोसम्म सोच्ने गर्दछन्।







यसले पुरुष-महिलाको सम्बन्धमा पनि खलल पैदा हुन सक्छ। महिलाको योनीको खुकुलोपन सम्भोगपश्चात् कायम रहन्न। कतिपयले धेरै सम्भोग गरेर योनी खुकुलो भएको ठान्छन्। यो पनि गलत धारणा हो। सम्भोग धेरै वा थोरै गरेर योनी कसिलो वा खुकुलो हुने हुँदैन। योनीको मांसपेशीको विशेषता भनेको जस्तो आकारको लिंगसँग ठीक हुन सक्छ। त्यही सानो योनीबाट बच्चा जन्मन्छ। बच्चा जन्मिएको केही समयमा फेरि योनी पुरानै आकारमा पुग्दछ। यो नै योनीको विशेषता हो।केही महिलामा बच्चा जन्माएपछि योनीको मांसपेशी पुरानै आकारमा आउन समय लाग्ने वा केही खुकुलो हुन सक्छ। यस्तो अवस्थामा योनीसम्बन्धी केही कसरत गर्न सकिन्छ। केगेल कसरत विधिः योनीको मांसपेशीलाई कसिलो पार्न यौन चिकित्सकहरूले केगेल कसरत गर्ने सल्लाह दिन्छन्। यो विधि आफैँले कुनै पनि बेला, कुनै पनि स्थानमा बसेर गर्न सकिन्छ।केगेल विधि गर्दा पिसाब फेर्दा मांसपेशीलाई खुम्च्याउने र पिसाब रोक्ने प्रयास गर्नुपर्छ। यसलाई शुरुमा एक सेकेन्डसम्म योनी खुम्च्याउने, खुकुलो बनाउने यसलाई बढाएर पाँच सेकेन्डसम्म पुर्‍याउनुपर्छ। बिस्तारै यसलाई १० देखि १५ सेकेन्डसम्म खुम्च्याउने, खुकुलो बनाउने गर्नुपर्छ। यसलाई दिनमा धेरै चोटिसम्म गर्न सकिन्छ। नियमित केही हप्तासम्म केगेल कसरत गरेमा योनीको मांसपेशीमा कसिलोपन आउँछ। विदेशतिर योनी कसिलो बनाउन अपरेसन गरी योनीको मांसपेशीलाई कसिलो बनाउने पनि गर्छन्। अहिले नेपालमा योनी कसिलो बनाउन योनीमा लगाउने क्रिम, तेल, मसाजरहरूको धेरै विज्ञापन गरिन्छ। तर, यस्ता साधन भरसक प्रयोग नगरेकै राम्रो! यिनले योनीको प्राकृतिक क्षमतालाई हानि पनि पुर्‍याउन सक्छन् ,

कपिलदेव खनाल



१८ फागुन, नुवाकोट । माथिल्लो त्रिशुली थ्रि ‘ए’ जलविद्युत आयोजनाको दुई सय २० केभीको प्रशारण लाइन विस्तारको लागि तयार गरेको लागत सार्वजनिक गरिएको छ । लाइन विस्तार र केन्द्रीय प्रशारण लाइनमा जडान गर्नको लागि नुवाकोटका विभिन्न १५ वटा सामुदायिक वनमा खम्बा गाड्नको लागि आवश्यक पर्ने जिल्लाका विभिन्न गाँउ विकास समितिमा रहेका १५ सामुदायिक वनमा रुखहरुको लागत र रुख कटानीको विषयमा छलफल भएको छ ।



जिल्ला बन कार्यालय नुवाकोटको आयोजनामा दुई दिने अन्तरक्रिया कार्यक्रममा आयोजना त्रिशुली थि्र ए र सम्बन्धित सामुदायिक वनका प्रतिनिधिहरुको सहभागी रहेको छ । प्रभावित वनहरुमा डुम्रेगोगने सामुदायिक बन गेर्खु, जालपा सामुदायिक बन गेर्खु, गोनेश्वरी सामुदायिक बन ककनी, निगाले कोषडाँडा सामुदायिक बन ककनी, पहरेडाँडा सामुदायिक बन मनकामना, बाघभैरव सामुदायिक बन सूर्यमति, हवेली सामुदायिक बन ओखरपौवा, मंगलादेवी सामुदायिक बन ककनी, क्षेत्रपाल सामुदायिक बन खानीगाँउ, गोरखनाथ सामुदायिक बन खानीगाँउ, नारायणीदेवी सामुदायिक बन खानीगाँउ, कुमारी देवी सामुदायिक बन सूर्यमति, दारेगौडा सामुदायिक बन गेर्खु लगायतका १५ सामुदायिक बन रहेको जिल्ला बन कर्यालय नुवाकोटका वन अधिकृत प्रेम खनालले जानकारी दिनुभएको छ ।



अन्तरक्रियामा सहभागी भएका सामुदायिक बनका पदाधिकारीहरुले आयोजनाले एक पक्षीय रुपमा रुखको लागत लिने र वनसंग समन्वयन नै नगरी कटानीको तयारी गरेको भन्दै आपत्ति जनाएका छन् । आयोजनाले खम्बा गाड्नको लागि आवश्यक पर्ने स्थानमा रुख कटानी गर्न १ रुखको अनुपातमा २५ रुख रोपिदिने र काठमाडौ मूल्य दिने सहमति जनाइसकेका छ । तर, सामुदायिक वनका पदाधिकारीहरुले भने रुख वृक्षारोपणको विकल्पको सेवा र अवसरको माग गरेका छन् ।



वनमा विरुवा रोप्न भन्दा सामाजिक सेवाका अन्य क्षेत्रमा लगानी हुनुपर्ने अडान राखेका छन् । ६० मेगावाट क्षमताको आयोजनाले १५ मध्ये १३ सामुदायिक वनको लागत तयार गर्दा ६ हजार चार सय १२ रुख कटानीको लागि छुट्याइएको छ भने दुई वटा वनको रुख सङ्ख्या तयार हुन बाँकी रहेको छ । वन प्रतिनिधको मागलाई आपसी समझादारिमा सम्बोधान गरेर अगाडी बढ्न अयोजना त्रिशुली थि्र ए तयार रहेको बताउनुहुन्छ प्रशारण लाइन प्रमुख रविन्द्र श्रेष्ठ । बन निर्देशिकाले सामुदायिक बनको रुख कटानी गर्नुपर्ने अबस्था आए त्यसको विकल्पमा एउटा रुख बराबर २५ वटा रुख रोपेर मात्र रुख काट्न पाउने प्रावधान रहेको छ ।

सायद यो घटना विश्वमापहिलोपटक भएको हुनुपर्छ किकुनैपनिमहिलाले साढे ६ महिनाको अन्तरालमा दुइवटा बच्चापाइन् । त्यो पनि सामान्यबच्चा । यो अनौठो घटना बेलायतमा घटेको हो । बेलायतकी ३१ वर्षकीमहिला सेडी बुडेनले यस्तो चमत्कार गरेकीहुन् ।



बुडेनले छोरा जन्माएको तिनहप्तामै फेरी अर्को गर्भ बोकेपछि यस्तो सम्भवभएको हो । बिहे गरेपछिलामो समयसम्मबच्चानहुँदाचिन्तित सेडीले पहिले एउटा छोरा जन्माइन् । छोरा जन्मेपछिउनको परिवारमाखुसी छायो र उनीआफै पनिनिकै खुसीभइन् । तर यहीँ खुसीकाबिचमा एक दिनउनीझसंग भइन् । बच्चापाएको ३ हप्ता पछि नै उनको पाठेघरमाअर्को गर्भ रहे । उनले शंकालागि प्रेग्नेन्सी टेष्ट गरिन् । परिक्षणमा पोजेटिभ देखियो ।



उनलाईअझै विश्वास लागेन र डाक्टरकोमागइन् । डाक्टरले पनिउनीगर्भवतीभएको पुष्टि गरे । गर्भ रहेको २६ हप्तामाउनले छोरी साइनालाई जन्मदिइन् । यो अहिलेसम्मकै सबैभन्दाकम समयको गर्भ रहेको र छोटो समयमाजन्मिएको बच्चा रहेको बताइएको छ ।



सेडी र डेनिस ६ महिनामै दुइबच्चापाएकोमानिकै खुसी छन् । दाजु बहिनीआजभोलि स्वस्थ रुपमाहुर्किरहेका छन् । साढे ६ महिनामाजन्मिएकायीदुइबच्चाले गिनिजबुकमानाम लेखाउने तयारी गरिरहेका छन् ।

पाकिस्तानी मोडल विना मलिकले नायक सलमान खानले राखेको रेकर्डलाई तोडेकी छिन् । सलमानलाई १ मिनेटमा १०७ पटक बच्चाहरुले हातमा चुम्बन गरेर रेकर्ड राखेका थिए ।



तर जन्मदिनमा विनालाई १ सय ३७ पटक युवाहरुले हातमा चुम्बन गरेका छन् । चुम्बनपछि गिनिज बुक अफ द वल्र्ड रेकर्डसमा आफ्नो नाम लेखाउने आशा विनाले गरेकी छिन् ।



आफ्नो नयाँ बलिउड चलचित्र ‘द सिटी द्याट नेभर स्लिप्स’ को लागि नायकको खोजी गरिरहेकी विनालाई यो प्रतियोगितामा भाग लिन आएका ४१ पुरुषहरुले चुम्बन गरेका हुन् । हातमा चुम्बन गराएर गिनिज बुक अफ द वल्र्डमा नाम लेखाउने विनाको सपना पुरा हुन्छ या हुदैन त्यो हेर्न बाँकी छ ।

मोडल लिइलानीको अनौठो बानी सार्वजनिक भएको छ । पढ्दा पनि मस्ति गर्ने उनको बानीले धेरैलाई अचम्ममा पारेको छ । ‘सेल्प हेल्प बुक’ पढिरहेको समयमा लिइलानीलाई बिकिनीमा देखिएको हो । बिकिनीमा विभिन्न पोज दिदै उनी पुस्तक पढिरहेकी थिइन् । तर एकै ठाउँमा बस्ने बानी पनि उनमा छैन । यसैले पनि उनी पुस्तक पढ्दै गर्दा आफ्नो आकर्ष शरिर बिकिनीमा देखाउन लालयित देखिएकी थिइन् ।

थाइल्याण्डका बौद्ध धर्माबलम्बीहरुको महान पर्व हो पूणिर्मा पर्व । चन्द्र पात्रो अनुसार वर्षको तेश्रो महिनाको पूणिर्मामा मखा बुचा नामको यो पर्व धुमधामसँग मनाइन्छ ।



यो पर्वका बेला थाइल्याण्डमा सार्वजनिक विदा समेत दिइन्छ । साथै २४ घण्टासम्म मदिराकोे कारोबार पनि रोकिन्छ । मानिसहरु गुम्बामा भेला भएर स्तुती गर्छन् । पूणिर्मा पर्वका बेला यो पटक पनि हजारौँ भिक्षुहरु गुम्बामा भेला भएर हातमा लालटिन लिएर बुद्धवाणीहरु वाचन गरे ।



बुद्धले बुद्धत्व प्राप्त गरेको ९ महिनापछि पहिलो उपदेश दिएको उपलक्ष्यमा यो पर्व मनाउने गरेको बताइन्छ । हेरौं पूणिर्मा पर्वका बेला थाइ भिक्षुहरुको यो प्रकाश प्रदर्शनी ।

१७ फागुन, नुवाकोट । नेपाल रेडक्रस सोसाइटी नुवाकोटको कार्यालयमा गएराती आगलागी हुदाँ तीन लाख रुपैयाँ बराबरको धनमाल जलेर नष्ट भएको छ । कार्यालयमा रहेका महत्वपूर्ण कागजात पनि जलेका छन् । आगलागीबाट तीन प्रहरीसहित चार जना घाइते भएका छन् । रेडक्रस भवनमा रहेको निर्वाचन आयोग नुवाकोटको महत्वपूर्ण कागजात पनि जलेर नष्ट भएको छ ।



आगो लागेको समयमा कोठामा सुतिरहेको निर्वाचन कार्यालयका कम्युटर अप्रेटर मदनकुमार शाहलाई घाइते अवस्थामा उद्धार गरिएको थियो । आगो निभाउन गएका जिल्ला प्रहरी कार्यालय नुवाकोटका प्रहरी हवल्दार अवजेश कुमार झा, प्रहरी हवल्दार चन्द्रलाल श्रेष्ठ र प्रहरी जवान सागर तामाङ पनि घाइते भएका छन् ।



आगोबाट निर्वाचन सम्बन्धी महत्वपूर्ण कागजात, ल्यापटप, कम्युटर, क्यामरालगायतका सामान जलेर नष्ट भएको प्रहरीले जनाएको छ । आगो पाँच घण्टापछि आज बिहान नियन्त्रणमा आएको थियो । आगलागीको कारण विद्युत सर्ट भएर हुन सक्ने अनुमान प्रहरी गरेको छ ।