चलचित्र ‘विन्दास’ सफल भएपछि यसको सिक्वेल पनि बन्ने भएको छ । मधुकुमार श्रेष्ठको निर्माणमा तयार भएको चलचित्र ‘विन्दास’ यो बर्षको सफल चलचित्रको सुचिमा पर्दछ । सिनेमाको सफलताले हौसिएका मधुले सिक्वेल बनाउने तयारी गरेका हुन् ।

‘विन्दास २’ लाई निर्देशक राजु गिरीले नै निर्देशन गर्ने तयारी गरेका छन् । चलचित्रमा नायिका सुष्मा कार्कीको अभिनय रहने पक्का भएको छ । चलचित्रको सिक्वेलका बारेमा कुरा गर्दै निर्देशक गिरीले भने, ‘विन्दास सिनेमा जहाँ पुगेर टुङ्िगएको थियो, सिक्वेल त्यही बाट सुरु हुन्छ ।’ ‘विन्दास’ मा विगि्रएकी सुष्मा ‘विन्दास २’ मा सुध्रने निर्माणपक्षले बताएको छ । तर ‘विन्दास’ मा हत्या गरिएका कलाकार विन्दास २ मा देखिने छैनन् । चलचित्रको छायांकन चाडै नै सुरु गर्ने योजना निर्माणपक्षले बनाएको छ ।